Geo iqtisod 9-uzb-5-2013. indd

 Savol va topshiriqlar
1. Jahon o‘rmon sanoati rivoj topgan mintaqalar va ulardagi eng yirik mamlakatlarni 
aniqlang. O‘rmon sanoati mahsulotlarini ishlab chiqarishda ularning tutgan o‘rnini 
aniqlang, ularni qiyoslang va tahlil qiling.
2. To‘qimachilik sanoati xomashyolari va tayyor gazlama mahsulotlari ishlab 
chiqarishga ixtisoslashgan mamlakatlarni aniqlang va guruhlang. Shulardan qaysilari 
ham xomashyo, ham tayyor gazlama ishlab chiqarishga ixtisoslashgan? Unda 
O‘zbekistonning o‘rni qanday?
3. Atrof-muhitning ifloslanishida sanoatning o‘rnini darslikdagi matndan foyda lanib 
o‘rganing.

---

77
19-§. Qishloq xo‘jaligi geografiyasi
Tayanch iboralar
Qishloq xo‘jaligi, dehqonchilik, chorvachilik, natural xo‘jalik, tovar xo‘jalik, 
agrosanoat majmuasi, agrobiznes, donli ekinlar, moyli ekinlar, choy, kakao.
Qishloq xo‘jaligi moddiy ishlab chiqarishning ikkinchi yirik tarmog‘idir. U 
kishilik jamiyatining eng qadimgi xo‘jalik sohasi hisoblanadi. Shu bilan birga, 
bu ishlab chiqarish tarmog‘i barcha davrlarda insonning kundalik iste’mol 
mahsulotlariga bo‘lgan ehtiyojini qondiruvchi asosiy manba bo‘lib xizmat qilgan. 
Shu sababli, jahonda bironta mamlakat yo‘qki, unda qishloq xo‘jaligi va u bilan 
bog‘liq bo‘lgan o‘rmon, ovchilik, baliqchilik xo‘jaliklari tashkil topmagan 
bo‘lsin. Hozirgi vaqtda bunday xo‘jalik tarmoqlarida hammasi bo‘lib 1,2 mlrd. 
dan ortiq kishi ish bilan band.
Qishloq xo‘jaligining asosiy xususiyatlaridan biri, uning joylardagi tabiiy 
iqlim sharoiti bilan chambarchas bog‘liq ekanligidir. Boshqacha aytganda, 
tabiiy iqlim sharoiti to‘g‘ri kelsagina muayyan hududlarda bug‘doy, sholi, 
paxta, meva, choy kabi mahsulotlarni yetishtirish mumkin bo‘ladi. Shu 
sababli, qishloq xo‘jalik tarkibi va tarmoqlarining hududiy joylashish holati 
turlicha bo‘ladi. Ishlab chiqaradigan mahsulotlari xususiyatlariga ko‘ra, 
14- j a d v a l