Физика ўҚитиш методикаси ташкент 2019 Ўзбекистон республикаси олий ва ўрта

Агрокимёга оид машғулотлар. Агрокимё асослари ўрта мактаб кимё ўқув курсининг қишлоқ хўжалигини кимёлаштиришга бағишланган энг муҳим қисмидир. Агрокимёдан ўтказилидиган синфдан ташқари машғулотлар тахминан қуйидаги масалалар бўйича олиб борилади.
а) ўсимликларнинг кимёвий таркиби. Тупроқ ва унинг таркиби; тупроқ реакциясини универсал индикатор ёрдами билан аниқлашнинг колориметрик (рангдор) методи. Ўсимликларнинг тупроқдан озиқланиши ва айрим кимёвий элементларнинг ўсимликлар ҳаётидаги роли. Кислород, углерод, азот, фосфор ва бошқа кимёвий элементларнинг табиатда айланиши. Сув ва унинг қаттиқлиги, қаттиқ сувни юмшатиш. Тупроқдаги эримайдиган кальций карбонатнинг ювилиб кетиши ва тупроқни оҳаклаш. Ҳаво ва унинг таркиби, ўсимликларнинг ҳаводан озиқланиши. Тупроқда , қумда ва сувда ўсадиган экинлар, уларнинг илмий ва амалий аҳамияти (бу экинлар билан қилинадиган тажрибалар);
б) ҳосилдорликни ошириш масалалари. Минерал ўғитлар, уларнинг таркибий хоссалари ва уларни билиб олиш усуллари, уларнинг ўсимликлар ҳаётидаги роли, ишлатиш методикаси ва техникаси .
Микроўғитлар. Қишлоқ хўжалик экинларининг касалликлари ва зараркунундаларига қарши ишлатиладиган моддалар, уларнинг таркиби ва хоссалари, ишлатилиш методикаси ва техникаси.
в) қишлоқ хўжалиги маҳсулотларини кимёвий йўл билан бошқа маҳсулотларга алмаштириш:спирт, шакар, совун ва бошқа моддалар ишлаб чиқариш.
Кимё тўгараги аъзолари агрокимё масалаларини назарий жиҳатдангина эмас, балки амалий жиҳатдан ҳам ҳал қиладилар. Тупроқнинг таркибини аниқлаш, тупроқнинг реакциясини универсал индикатор ёрдами билан аниқлаш, ўсимликларни анализ қилиш, ўсимликлардаги сув миқдорини, эрийдиган ва эримайдиган моддалар миқдорини, минерал ва органик моддалар миқдорини аниқлаш, уруғларни дорилаш, ўсимликларга мис купороси ва оҳак эритмаларини пуркаш ва ҳакозолар.
Кимёвий анализга оид машғулотлар. Тўгаракда кимёвий анализ юзасидан ўтказиладиган машғулотларда ечиладиган аналитик масалалар тахминан қуйидаги мазмунда бўлиши мумкин:
а) берилган моддаларнинг, масалан, азот, аммоний тузлари, суперфосфат, метан, формальдегид ва бошқаларнинг энг ҳарактерли хоссаларини эксперимент йўли билан кўрсатиш;
б) модданнинг, масалан, техника сульфат кислотанинг қанчалик тозалигини текшириб кўриш;
в) модданинг сифат таркибини аниқлаш, масалан, водород сульфиднинг олтингугурт билан водород бирикмаси эканлигини, мис купороси таркибига мис, сульфат кислота қолдиғи ва кристаллизция суви киришини тажриба йўли билан исботлаш;
г) модданинг, масалан, мис купороси, гипс, сув ва бошқаларнинг миқдорий таркибини (қандай элементлар қанчалик борлигини) аниқлаш;