Физика ўҚитиш методикаси ташкент 2019 Ўзбекистон республикаси олий ва ўрта

§-6. Кимёвий олимпиада.

Кўпгина мактабларда синфдан ташқи машғулотларнинг алоҳида бир оммавий шакли – кимёвий олимпиадалар ҳар йили муваффақият билан ўтказиб турилади. Олимпиада кимё соҳасида бир-бири билан мусобақа боғлашни ҳоҳлаган ҳамма ўқувчиларни бирлаштиради ва уларга таълим-тарбиявий жиҳатдан катта таъсир кўрсатади:

а) ўқувчиларда кимёга чуқур ҳавас уйғотади ва бу ҳавасни ўстиради;
б) ўқувчиларнинг янги ажойиб назарий ва амалий материал билан танишувига сабаб бўлади;
в) ўқувчиларда энг муҳим амалий малакалар ҳосил қилади;
г) ўқувчиларни кимёвий фикрлар юритадиган қилишга ёрдам беради;
д) ўқувчиларни ҳозирги замон кимёсининг энг долзарб муоммоларини тушуниш даражасига кўтаради;
е) ўқувчиларда фикрни бир ерга қўйиб тоқат билан ишлаш ва бошланган ишни охирига етказа билиш хусусиятларини ҳосил қилади. Кимёвий олимпиада ўқувчиларининг қанчалик тайёргарлиги борлигини аниқ-равшан очиб беради, ўрта мактабда кимё ўқитишни янада яхшилашга ёрдам қилади. Мамлакатимизда ёш кимёгар ҳаваскорларнинг бир-бири билан мусобақа қилишнинг ўзига хос шакли бўлган кимёвий олимпиада мактаб, туман, шаҳар, вилоят ва бутун республика миқёсида ўтказилади. Мактаб кимёвий олимпиадаси, одатда, ўқув йилининг иккинчи чорагида ўтказилади. Олимпиада ҳар қайси синфда алоҳида ўтказилади. Бу даврда қатнашчилар ҳам бешта масала, ундан учта назарий ва иккита амалий масалаларни ечишлари керак .
Амалий масалалар қуйидагича бўлиши мумкин:
а) модда ҳосил қилинг ва модданинг ҳосил бўлганлиги шу моддага хос реакциялар ёрдами билан исботланг;
б) эспериментал масалалар ечиш. Назарий масалалар ҳам амалий масалалар ҳам махсус жадвалда кўрсатилган кунларда ечилади.
Энг охирида мактабда кеча ўтказилиб, бу кечада олмпиаданинг якуни эълон қилинади ва масалаларнинг ечилиши таҳлил қилинади, шу кечада олимпиада ғолиблари, одатда, мукофотланади. Мактаб олимпиадаси ғолибларига шаҳар (туман), вилоят ва бутун Республика олимпиадаларига қатнашиш хуқууқи берилади.