Bosim bilan haydash va issiqlik mashinalari

2.5. – rasm. Nasosdagi suyuqlikning yo’qotilishlar sxemasi


Nasosning to’liq FIK hajmiy, gidravlik, mexanik FIKlarning ko’paytmasiga teng
η = η₀ η_g η_m (2.28)

bo’lib, nasos konstruksiyasisning mukammalik darajasini tavsiflaydi. Zamonaviy markazdan qochma nasoslarning FIK 0,75÷0,92 gacha atrofida bo’ladi.

Nazorat savollari:

1. 
   Ishchi g’ildirakning vazifasi nima?
   
2. 
   Nasosni quvvatini qaysi ifoda belgilaydi?
   
3. 
   Markazdan qochma mashina g’ildiragi hosil qiladigan bosim qaysi jarayonlar natijasidir?
   
4. 
   Qaysi ifoda oqimga uzatilgan quvvat miqdorining Eyler tenglamasini belgilaydi?
   
5. 
   Oqim buralishi deb nimaga aytiladi?
   

Mavzu-3. Porshenli nasoslarning xarakteristikasi, tuzulishi va ishlashi
3.1. Porshenli nasoslarning tuzilishi va ishlash prinsipi.
3.2. Ikki tomonlama ishlaydigan porshenli nasos
3.3. Porshenli nasosni indikator diagrammasi
3.4. Hajmiy nasoslarning unumdorligi, quvvati, FIK
3.5. Rostlash usullari va xarakteristikalari
3.6. Porshenli nasoslarning konstruktiv xususiyatlari
3.7. Porshenli nasoslarni sinash va ishlatilishida nosozliklarni aniqlash.


Tayanch iboralar: oddiy, ikki bosqichli va ko’p bosqichli, indikatorli bosim, nazariy
xarakteristikalar, rostlash usullari.


Porshenli nasoslarda suyuqlik haydash quvuriga ilgarilanma – qaytma harakat qiluvchi mexanzmlar orqali uzatiladi. Porshenli nasoslar vositasida har qanday qovushqoqlikdagi suyuqliklarni uzatish mumkin. Porshenli nasoslardan oz miqdordagi suyuqliklarni yuqori bosimda uzatishda va suyuqlik sarfi o’zgarmas bo’lganda, bosim keskin o’zgaradigan hollarda foydalanish qulayPorshenli nasoslarda suyuqlik haydash quvuriga ilgarilanma – qaytma harakat qiluvchi mexanzmlar orqali uzatiladi. Porshenli nasoslar vositasida har qanday qovushqoqlikdagi suyuqliklarni uzatish mumkin. Porshenli nasoslardan oz miqdordagi suyuqliklarni yuqori bosimda uzatishda va suyuqlik sarfi o’zgarmas bo’lganda, bosim keskin o’zgaradigan hollarda foydalanish qulay.
Porshen suyuqlikni faqat oldi tomoni bilan siqib chiqaradigan nasos, oddiy bir tomonlama ishlaydigan nasos deyiladi. Agar nasos silindirida porshenning ikkala tomonida joylashgan ishchi kamerasi bo’lsa va porshen ulardan suyuqlini ketma-ket siqib chiqarsa, bunday nasos ikki bosqichli yoki ikki tomonlama ishlaydigan nasos deyiladi.