Бола шахсига йўналтирилган таълимда ривожлантирувчи мухитни ташки этиш mундарижа

Ҳар бир боланинг шахсига оид маълумотларни эътиборга олиш. Ҳар бир бола шахсиятининг кучли ва заиф жиҳатлари, қизиқиш ва талаб-эҳтиёжлари ҳақида маълумот тўплаш тарбиячига таълим жараёнида мослатириш жараёнини амалга ошириш ҳамда ҳар бир болага мос усулларни қўллаш ва индивидуаллаштиришни самарали олиб бориш имкониятини беради.

Болаларни қуршаб турган ижтимоий муҳит ва маданий қадриятлар ҳақидаги маълумотларни эътиборга олиш. Боланинг уйдаги ва ўзининг жамоасидаги ҳаётини шакллантирадиган қадриятлар, орзу-умидлар, хатти-ҳаракат ва тил хусусиятларини ўрганиш педагогга болалар учун муайян мазмун касб этадиган, уларнинг маданиятига мос келадиган, болалар ва уларнинг оиласига ҳурмат билан муносабатда бўлишига ёрдам берадиган таълим муҳити ва машғулотларни ташкил этиш имкониятини яратади.

Ривожлантирувчи ёндашув – боланинг табиий равишда улғайишининг муҳимлигини баҳолаш ва таҳлил этиш имкониятини яратадиган ривожлантиришга йўналтирилган ёндашув.
Бу ёндашувга мувофиқ болалар:

1. 
   Ўйин жараёнида атроф-муҳит ҳақидаги маълумотларни ўзлаштириб, фаол таълим олади;
   
2. 
   Ривожланишнинг қонуний босқичларини босиб ўтади;
   
3. 
   Ҳиссий ва когнитив (ақлий) ривожланиши учун ижтимоий ўзаро муносабатларга эҳтиёж сезади.
   
4. 
   Ҳар бири ўзига хос суръатда, бетакрор шахс сифатида ривожланади.
   

Индивидуаллашув – ўта муҳим масала, чунки ёндашув қай даражада индивидуал бўлса, ҳар бир бола шу даражада мўлжалдаги таълим натижаларига эришишининг эҳтимоли ортади ва шу туфайли дастурнинг амалга оширилиши осон кечади, муайян
фан билан боғлиқ муаммолар камаяди, ўзлаштирилган билим ва кўникмалар ошади.
Индивидуаллаштириш таълим жараёнини боланинг ёш хусусиятлари, қобилияти ва талаб - эҳтиёжлари билан мослаштириш имкониятини беради. Бу жараёнда болаларнинг билим доираси кенгайиб, ўзига нисбатан ҳурмати ошади. Уларда янада мураккаброқ масалаларни ҳал этишга тайёргарлик ҳисси пайдо бўлади.
Педагог ўзгарувчан вазифалар ва фаолиятнинг қизиқарли турларини режалаштириши, болаларни диққат билан кузатиши, зарур ҳолларда, материал ва вазифаларни алмаштириши ва мослаштириши лозим. Болаларни кузатиш ва ота-оналар билан суҳбат натижасида педагоглар ҳар бир боланинг кучли ва заиф жиҳатлари ҳамда қизиқишларини ўрганади.