Бола шахсига йўналтирилган таълимда ривожлантирувчи мухитни ташки этиш mундарижа

Болага йўналтирилган таълим ёндашуви – бу боланинг ёш хусусиятлари, қобилиятлари, қизиқишлари, талаб-эҳтиёжлари, унинг таълим мақсадларига эришиш учун ёрдам берадиган мактабгача таълим ташкилотсига келгунга қадар тўплаган тажрибасини эътиборга оладиган таълим шакли.

1. 
   Таълим жараёни боланинг энг оптимал тарзда ривожланиши ва таълим олишига доир билимларга асосланиши лозим.
   
2. 
   Таълим муваффаққияти педагог томонидан болани ривожлантириш ва ўқитиш услуб ва йўл-йўриқларига оид билимларни қай даражада эгалланганига боғлиқ.
   
3. 
   Педагогнинг асосий вазифаси боланинг ривожланишига кўмаклашишдир.
   
4. 
   Мактабгача таълимнинг ўзига хос хусусияти – болаликнинг қадрини тушуниш ва вақтидан олдин улғайишга ундамаслик.
   

Педагог қуйидагиларни тушуниши ва эсдан чиқармаслиги лозим:

1. 
   Болалар қандай бўлса, шундай қабул қилиш.
   
2. 
   Болаларнинг ўз мақсадига эришишига ёрдам бериш.
   
3. 
   Болаларнинг қандай қобилиятга эга экани ва ўз гуруҳида қандай таълим олаётганини билиш тарбиячига таълим жараёнини режалаштириш ва ташкил этиш учун бошланғич асос бўлиб хизмат қилади.
   
4. 
   Агарда педагог барча болаларга бир хил тарзда ёндашадиган бўлса, улар муваф-фаққиятга эриша олмайди.
   
5. 
   Педагог болалар фаолиятининг барча йўналишлари, турли машғулотлар билан шуғулланишини мунтазам кузатиб бориши, уларнинг қобилияти, қизиқишлари ва талаб-эҳтиёжлари ҳақида билишга интилиши керак.
   
6. 
   Педагог ана шу маълумотларга таянган ҳолда бола ривожланишида ижобий ўзгаришларга эришиш учун иш фаолиятини режалаштиради ва қўллаётган усулларни таълим жараёнига мослаштиради.
   
7. 
   Материаллар ва машғулотлар болалар биладиган ва қилишни ўрганган нарсаларгагина эмас, балки янги кўникма ва тушунчалар ҳосил қилиш учун улардан муайян ҳаракат, интилиш талаб қиладиган машғулотларга асосланган таълимгина кутилган муваффаққиятни келтиради.¹
   
8. 
   Таълим мақсадлари болаларнинг ушбу ёшдаги гуруҳи учун тушунарли ва амалга оширилиши мумкин бўлиши керак. Янги кўникмаларни амалиётда такомиллаштириш учун болаларга кенг имкониятлар вужудга келтирилиши зарур.