Ашурхон комилова "СОҒинч ранглари"

ҚАЙТДИ...

"Кўчам охирида пойлайди соғинч",

Деворнинг ортидан маъюс мўралаб.
Дийдор юрагимга аталган овунч,
Ёнмоқда дудлари кўкка буралиб.

Дийдорнинг дудидан чексиз самода,

Булутлар яралди, кўкларда титроқ.
Соғинчлар чақиргач майин сабода,
Меҳмонга келибди,юракка фироқ.

Уч кундан ортиқроқ дилимда яшаб,

Айрилиқ иззати тугаб охири.
Суйган кўнггилларга нигоҳин қадаб,
Самолар йиғлади, йиғлаб тақдирим.

Сен томон чорларди ҳаттоки хаёл,

Тинглагин ҳар онлар дардимни айтди.
Иккимизни тинмай куттирган висол,
Ёмғирга айланиб қалбимга қайтди.

ҲАЁЛИЙ ДУНЁ

Тоғларга,боғларга баҳорлар қайтди,

Негадир қалбимга қайтмади баҳор.
Майин шаббодалар шивирлаб айтди,
Кўклам юракларга қайтади бир бор.

Енди тонгда чиқмоқда ойлар,

Оқшомлари чиқмоқда қуёш.
Чалкаш бўлиб бормоқда йўллар,
Мен ақлимга қўймоқдаман бош.

Фош этиб қўймаса бўлди ҳаёллар,

Кўкламни юрагим соғинганини.
Менга йўлламанглар қийин саволлар,
*Кунларим юлдузлар санаб овунган*.

Ажабо кундузлар чақмоқ чақнайди,

Тунларим ёритар рангин камалак.
Фироқлар бир онда дийдор ўлмайди,
Чунки, мангу яшар соғинч капалак.

Тақдир кўрсатмоқда ажиб сеҳрини,

Хаёллар чалкашар ЎЗИдан нажот.
Шу таскинла қалбга босиб муҳрини,
Хаёлий дунёдан чорлайди ҳаёт.


ОРЗУЛАР УВОЛИ

Кўзларимни юмсам бошланар ҳаёт,

Кўзларимни юмсам оламан нафас.
Заррача меҳрдан излайман нажот,
Ва шундан кенгаяр кўксимда қафас.

Бор эди қалбимда жажжи бир орзу,

Қуёшга интилиб ўсарди бўйи.
Орзуйимга кимдир ичирди оғу,
Сўнгра устун келди,армонлар ўйи.

Хаёллар беқўним юрак тез уриб,

Уқтира олмади афсус сўзини.
Орзулар ёш эди улғаймай туриб,
Армон сочларига осди ўзини.


УМРИМ ЎТАРКАН

"Сени кутиб умрим ўтмоқда",

Дийдорларга кўзларим муштоқ.
Қўлларимдан ҳижрон тутмоқда,
Қароғимга жойлангач фироқ.

Ҳеч кимни сенингдек суймасдим,

Сўзларингдан топар эдим бол.
Меҳримни бермасам куймасдим,
Енди-чи бешафқат меҳрим бор.

Бир менга вафолар айламай,

Тарк этдинг-ку қоронғу тунда.
Кутмоқликка асло шайланмай,
Яшагайман сенсиз бугундан.

Бир кўзгу мисоли қалбимда,

Ҳижронларнинг лойқаси тинди.
Ачинмайсан.... менинг қадримга,
Чап кўксимда бир нима синган.
Кутмасам ҳам умрим ўтаркан...