Amonov firdavsning ishlab chiqarish texnologik amaliyoti

Umumiy tekshirish. Kasal hayvonlarni umumiy tekshirish, ularga diagnoz qo’yishda muhim ahamiyatga ega. Ayrim hollarda umumiy tekshirish usullari orqali, sirtdan ko’zdan kechirish yo’li bilan kasal hayvonni osongina payqash va kasallik belgilarini topish mumkin.
Ko’rish (inspectio). Anamnez ma’lumotlari yig’ilganidan so’ng hayvonni umumiy klinik tekshirish, ko’zdan kechirish usuli boshlanadi. Ko’rik kunduzi tabiiy yoki sun’iy yorug’likdan foydalanib o’tkaziladi. Bu ish quyidagi tartibda o’tkaziladi: avval hayvonning boshi, bo’yni, so’ngra ko’krak qafasi, tana qismi, qorni, yelini, yorg’oq, prepusiya, chanog’i, oyoqlari qarab chiqiladi.Umumiy tekshirish usullari hayvon harakatlanganda va tinch turgan holatida ko’zdan kechiriladi.
Ko’rib tekshirish asosida zararlangan organ yoki shikastlangan to’qimaning o’lchami, shakli, rangi va yuzasining holati (quruq, ho’l, tekis, g’adir-budir, qon bilan qoplanganligi, yiring, qora-qutir) oqsash (uning turlari) va boshqalar aniqlanadi.
Palpasiya (palpatio) - qo’l bilan paypaslab ko’rish. Bu usul yordamida mahalliy harorat, og’riq reaksiyasi, patologik o’choqning joylashgan joyi, uningharakatchanligi va tarangligi, teri va teri osti kletchatkasining holati, arteriya pulsini, suyuqlik chayqalishi, g’ijirlash va boshqa klinik belgilar aniqlanadi.

Amaliyotning keying kunida

“Qishloq xo’jalik hayvonlarida uchraydigan turli xildagi kasalliklarni davolashda novokain qamallarini qo’llash texnikasini o’rganish”. mavzusida amaliyot olib bordik.
Qishloq xo’jalik hayvonlarini mahalliy o’g’riqsizlantirishda novokain ishtiladi.Novokain – og’riqsizlantirishning yetarli ekanligi, zaharli ta’siri yo’qligi va to’qimalarga zararli ta’sir ko’rsatmasligi tufayli keng qo’llaniladi. Novokain sintetik preparat bo’lib, hidsiz, achchiq ta’mli, oq kristallardan iborat, u suvda yaxshi eriydi va qaytadan qaynatilganda parchalanib ketmaydi. Novokainning umumiy zaharli ta’siri kokaindan 7-10 marta kamroq. Germetik mahkamlangan novokainning sterillangan eritmalari uzoq muddat davomida og’riqsizlantirish xususiyatini yo’qotmasdan saqlanadi. Novokain avval qon tomirlarini kengaytiradi, so’ngra ularni toraytiradi.
Mahalliy og’riqsizlantirish uchun novokainning 0,25 % dan 4-5 % ligacha eritmalari qo’llaniladi. Novokain qon zardobi, jigarda tez parchalanish xususiyatiga ega bo’lganligi sababli, u kumulyativ ta’sirga ega emas.
Qishloq xo’jalik hayvonlarida uchraydigan turli xildagi kasalliklarnidavolashda qo’yidagi novokain qamallari qo’llaniladi.