Abbatisa – ayollar katolik monastirlarining boshqaruvchilari. Abbatlik

Kaula, fe’lon, riza – rohiblar va ruhoniylarning ustki kiyimi (plash). Oʻrtasida ochiq joyi boʻlgan aylanasimon koʻrinishda boʻlgan. XII asrda odatda toʻq koʻk yoki qizil rangda boʻlgan.
Kavadong jangi (718-y) – musulmonlar yurishlaridan keyin Pireney yarim orolida xristianlar qoʻlga kiritgan ilk gʻalaba. Asturiyaning birinchi qiroli Pelayo Ummaviylar xalifaligi qoʻshini ustidan gʻalabaga erishadi.
Kayzer (nem.Kaiser, lot.Caesar-sezar) – “Muqaddas Rim imperiyasi” (962-1806) va Germaniya imperiyasi (1871-1918) imperatorlari tituli.
Kashtelyan (polyak. qal’a) – oʻrta asrlar Polsha va Buyuk Litva kanyazligida unvon. Polshada bu XIII asrda paydo boʻlgan. Dastlab u qal’ani boshqargan va ba’zi sud vakolatlariga ega boʻlgan, ammo XIV asr boshlariga kelib oʻz ta’sirini deyarli yoʻqotgan. Litva Buyuk knyazligida K. mansabi 1413-yilda markazi Vilna va Troki boʻlgan yangi voevodaliklar tashkil etilishi bilan joriy etilgan.ʻ
Kerllar, kyorllar – ilk oʻrta asrlarda anglosakson jamiyatida jamoaning oddiy erkin dehqonlari. K. koʻpincha yirik yer boʻlagi boʻlgan gaydaga egalik qiluvchi katta oila boʻlib yashaganlar. IX-XI asrlarda ularning asosiy qismi feodalga qaram dehqonlarga aylandi. Ularning yuqori qatlamlari orasidan mayda feodallar tarkibi safiga qoʻshilganlar chiqqan. XI asrga kelib “kerl” atamasi muomaladan chiqib ketdi.
Kersi kapitulyariysi – 877-yilda Gʻarbiy-Frank qiroli Karl II Yaltiroqbosh tomonidan qabul qilingan farmon, unda graf titulining merosiyligi belgilab qoʻyilgan. Kersi shahrida chiqarilganligi uchun ham shu nom bilan atalgan. Ushbu kapitulyariy IX asr oxiriga kelib frank jamiyatida real faktga aylangan graflarning siyosiy mustaqilligini huquqiy jihatdan mustahkamlab berdi.
Kimvallar – oʻrta asrlardagi turli-tuman musiqiy asboblar (likopchalar, qoʻngʻiroqchalar va boshqalar).
Kipr qirolligi – 1192-yilda Kipr orolida salibchilar tomonidan asos solingan davlat. Davlatda hokimiyat 1489-yilgacha luzinyanlar feodal urugʻi qoʻlida boʻlgan.