Abbatisa – ayollar katolik monastirlarining boshqaruvchilari. Abbatlik

Knyaz – 1) qadimgi Rusda askarlar boshligʻi, viloyat hokimi. Keyinchalik feodal tarqoqlik natijasida paydo boʻlgan rus davlatlari hukmdorlari; 2) IX-XVIII asrlarda slavyan va boshqa xalqlarda feodal monarxiya davlati (K.lik) yoki siyosiy tuzilmalarning (udel K.lik) boshligʻi. Keyinchalik Garbiy va Janubiy Yevropada shahzoda (prins) yoki gersogga tenglashtirilgan oliy dvoryanlik unvoni. Markaziy Yevropada (Muqaddas Rim Imperiyasida) bu unvon fyurst, Shimoliy Yevropada konung tarzida nomlangan.
Kodeks (lot.codex – kitob) – dastlab pergamentdan (VI asrdan), soʻnggi oʻrta asrlardan boshlab qogʻozdan tayyorlangan oʻrta asrlardagi kitoblarning asosiy shakli. Yozish materiali bo’lmish papirus tezda muomladan chiqib ketmagan. Ilk oʻrta asrlarda uni Misrdan keltirishgan, X asrda Sitsiliyada ishlab chiqarishi yoʻlga qoʻyilgan. Lekin asosan papirus kitoblar uchun emas, papa kuriyasi hujjatlari uchun qoʻllanilgan (XV asr boshlarigacha). Alp togʻlaridan shimolda joylashgan mamlakatlarda papirusning oʻrniga pergamentdan foydalanishgan va XIII asrgacha pergament asosiy yozuv materiali oʻrnini bosib kelgan. XIII asrdan boshlab siyohdan yozishda foydalanila boshladi. Siyohlar odatda dub yongʻoqlari sharbatidan tayyorlangan boʻlib, undagi yozilgan yozuvlarni oʻchirishning deyarli imkoni boʻlmagan. Lekin pergamentning qimmatligi tufayli K.lar oʻchirilgan va qaytadan yozilgan. Yozishda shuningdek rangli siyohlardan ham foydalangan. Qizil boʻyoqlar bilan bobning kirish yoki xulosa soʻzlari yozilgan. XII asrdan boshlab ismi va otasi ismining bosh harflari, yoki boblarning birinchi bosh harfini yozishda qizil, yashil va moviy rangdagi boʻyoqlardan foydalangan (oʻrta asrlarda yorqin rangdagi boʻyoqlardan foydalanishni yaxshi koʻrganlar). XIII asrgacha kitoblar asosan monastirlarda koʻchirilgan va shu yerda saqlangan. Keyinroq kitoblar qirollar va yirik feodallar saroylarida saqlana boshlandi. M: qirollik qasri boʻlgan Luvrda mingga yaqin kitob saqlangan. Aholining katta qismi uchun (savodsiz va kambagʻallarga) kitobga ega boʻlishning imkoni deyarli boʻlmagan, chunki kitoblar qimmatbaho tarzda bezatilgan. Faqat ibodat vaqtlarida bunday aholi qatlamlari kitoblarni koʻrish imkoniga ega boʻlgan.
Kodja – Adriatika dengizi sohillarida joylashgan baliqchilar bandargohi. Unda asosan Venetsiyadan koʻchib kelgan kishilar istiqomat qilishgan. Uning yaqinida 1380-yil 21-iyunda Toʻrtinchi Venetsiya–Genuya urushining yirik jangi boʻlib oʻtgan. Genuyaning magʻlub boʻlishi natijasida hududda venetsiyaliklar hukmronlik qila boshlagan.