Abbatisa – ayollar katolik monastirlarining boshqaruvchilari. Abbatlik

Mallyus – frank qabilalarida to davlatchilik munosabatlari toʻliq qaror topgunga qadar boʻlgan davrda xalq yigʻini.
Mandragora – oʻrta asrlarda “jodu guli” sifatida tilga olingan aqldan ozdiradigan oʻsimlik. Shu bilan birga uning yordamida xazinalarni topish, erkaklarga quvvat bagʻishlovchi va inson xotirasini kuchaytiruvchi vosita sifatida ham tushinishgan.
Manerizm (ital.manera – stil, uslub) – XVI asrda Yevropa san’atidagi oqim. Unda Uygʻonishning gumanizm madaniyati inqirozi aks etgan. Rasmomlar bu yoʻnalishda tabiatdan ilhom olmasdan, balki ularning qalbida paydo boʻladigan “ichki gʻoyasiga” tayanishi kerakligini ilgari surishgan. Shuning uchun ham ularning ijodida subyektivizm, jimjimadorlik va obrazlarning yasamaligi, nozikligi va haddan tashqari nafisligi sezilib turadi.
Manifest (lot. chaqiriq) – 1) Oliy hokimiyatning aholini muhim qonunlarning chiqarilishi yoki davlatdagi oʻta muhim voqealar toʻgʻrisida xabardor qilishi haqidagi tantanavor murojaati; 2) Muayyan kishilar guruhi (siyosiy partiya, jamoat tashkilotlari kabi) oʻz faoliyat tamoyillarini va dasturini oʻz ichiga olgan fikr-mulohaza yoki murojaatlari; 3) Adabiyot va san’atdagi biror yo’nalish yoki guruhning adabiy yoki badiiy tamoyillarining yozma bayoni.
Manor (lot. maneo – qolaman, yashayman) – oʻrta asrlar Angliyada feodal votchinasi. M. Angliyada 1066-yildagi normannlar istilosiga qadar paydo boʻlgan. Tipik M. ikki qismdan iborat boʻlib, ular domen – lordga boʻysunsada, erkinligi saqlab qolgan xoʻjaliklar, qaram dehqonlar (villanlar) va erkin jamoatchilar (frigolderlar) lardan iborat boʻlgan. XIII asr oxirlaridan tovar-pul munosabatlarining rivojlanishi bilan M. tizimi inqirozga uchray boshlagan. Dehqonlarning erkinlikka erishishi va pul rentasining paydo boʻlishi bilan M. tartibi amalda tugadi.
Mans (lot. mansus – kulba yoki maneo – yashayman) – gʻarbiy franklar davlatida dehqon xoʻjaligining umumiy majmuyi. Unda yashash joyi, yer maydoni, boshqa xoʻjalik binolari joylashgan. M.lar odatda qishloqlarda joylashgan va ularning har biri alohida uchastkalardan iborat boʻlgan. M. uchta yoki toʻrtta daladan iborat boʻlgan. Uning tarkibiga uzumzor, oʻtloq va oʻrmon kirgan. M.ning har bir egasi yaylov va oʻrmonlardan foydalanish huquqiga ega boʻlishgan. Feodal votchinalarining vujudga kelishi natijasida M.lar votchinalar tarkibiga qoʻshilib ketgan.