Abbatisa – ayollar katolik monastirlarining boshqaruvchilari. Abbatlik

Ministeriallar (lot. ministerium – xizmat, mansab) – oʻrta asrlar davrida qirol va feodallarga xizmat qilgan kishilar. Ular dunyoviy yoki diniy kishilar boʻlishi mumkin. M. saroyda ma’muriy va xoʻjalik ishlarini bajargan. M. odatda ozod boʻlmagan kishilar ichidan tanlab olingan. Mazkur tartib Germaniyada XI-XIII asrlarda keng tarqalgan. XII-XIII asrlarda ularning bir qismi ozod kishilarga aylanib, dvoryanlar qatlamiga qoʻshilib ketgan. Ular ritsarlar, harbiy xizmatchilar sifatida ham feodal jamiyatda alohida oʻringa ega boʻlgan.
Minnezingerlar (nem. minnesinger – muhabbat qoʻshiqlari kuychisi) – XII-XIII asrlarda nemis shoir–qoʻshiqchilari. Ular asosan, ritsarlarning xonimlarga muhabbatini, xudoga muhabbat va xizmatni, salib yurishlarida ritsarlarning ishtirokini kuylashgan. M.ning taniqli vakillari orasida Genrix fon Morungen va Volter fon der Fogelveydeni koʻrsatish mumkin. XIV asrga kelib byurgerlik madaniyati siqib chiqara boshladi.
Minor (lot.kichik) – merosning odatda (faqatgina) kichik qarindoshlarga qoldirilishi. Mayoratdan farqli ravishda M. dehqonlar oilasida keng tarqalgan.
Minoritlar (lot.kichigi) – katolik dinidagi qashshoqlik rohiblik ordenlari. Ularning nizomida qashshoqlikka amal qilish va faqatgina sadaqa hisobiga kun kechirish majburiyati talab qilingan. Oʻrta asrlarda bunday ordenlarga fransiskanlar, dominikanlar, avgustinlar, kapusinlar kabilar kirgan.
Miparti – asosan erkaklar kiyadigan ikki xil rangli kiyim. XII asrdan geraldika bilan bogʻliq xolda vertikal ravishda gerb ranglarini oʻzida mujassam qilgan. M.ni koʻproq yoshlar kiyishgan va gotika davrida juda keng tarqalgan.
Mirakl (lot.mirakulum – moʻjiza, karomat) – XIII-XIV asrlarda Fransiyada keng tarqalgan va rivojlangan diniy drama janri. Drama syujetida asosan avliyolar va farishtalar bilan bogʻliq moʻjizaviy voqealar yotadi. M.ning mualliflari diniy qonunlarni chetlab oʻtib, istagancha gʻoyalarni berishi mumkin edi. M.lar shaharlarda va ularning markaziy maydonlarida maxsus kostyumlarda ijro etilgan. M. janrida yaratilgan dastlabki asarlar sifatida Jan Bodelning “Avliyo Nikolay haqida raqs” (1200-y), Ryutbefning “Teofil haqida moʻjiza” (1261-y) kabi asarlarni koʻrsatish mumkin.