Abbatisa – ayollar katolik monastirlarining boshqaruvchilari. Abbatlik

Medichilar – 1434-1737-yillarda Florensiyada hukmronlik qilgan boy va ta’siri kuchli sulola. M. Florensiyada qudratli bankirlar boʻlib, ularning idoralari va vakillari Yevropaning barcha yirik shaharlarida mavjud boʻlgan. Ularning hukmronligi 1417-yilda Jovanni Medichi va 1429-yilda uning oʻgʻli Kozimo Medichilarning Albissiy oilasi ustidan gʻolib kelishi natijasida 1434-yilda Florensiyada boshlagan. Ular Florensiyada bir qancha islohotlarni amalga oshirganlar. Shu bilan birga oʻz raqiblarini qoʻshimcha soliqlar joriy qilish orqali magʻlub qilishgan. M. shaharda katta qurilishlarni olib borishgan. Shu sabab shahar madaniyat va ilm-fan markaziga aylanib borgan. Florensiyaga M.ning faoliyati natijasida butun Yevropadan eng yaxshi me’morlar, rassomlar, yozuvchi va shoirlar kelib faoliyat olib borgan. Ulardan Leonardo da Vinchi, Girlandayo, Mikelanjelo, Rafael, Bottichelli va boshqalarni koʻrsatish mumkin. M. orasida ayniqsa Lorenso Ajoyibni ajratib koʻrsatishadi. Uning tashqi koʻrinishi, shoirlik istedodi zamondoshlari tomonidan yuqori baholangan. U qadimgi Rim adabiyoti, falsafasi, yunon tilini bilishidan tashqari, oʻz huzurida istedodli rassomlar, gumanistlarni toʻplagan.
Mediyevistika (lot. medius – oʻrta va aveum – asr, davr) – Gʻarbiy Yevropa tarix fanida oʻrta asrlar davrini oʻrganuvchi yoʻnalish. Yevropa davlatlarida qabul qilingan qoidaga koʻra V asrdan XV asrgacha boʻlgan davrni oʻrganadi. Atamani dastlab oʻrta asr gumanist-tarixchilari ishlatgan va ular XV asrgacha boʻlgan davrni oʻrgangan.
Medzadriya – unga koʻra, Toskanada XIV-XV asrlarda ijarachi dehqon yer egasiga hosilning yarmini berishi shart boʻlgan.
Melfiy konstitutsiyasi – 1231-yilda Melfi shahrida imperator Fridrix II Gogenshtaufen tomonidan qabul qilgan Sitsiliya qirolligining qonunlar toʻplami, Oqibatda Sitsiliyadagi yirik feodallarning mustaqilligi butunlay yoʻq qilinib, ular yurisdiksiya va bir-biriga urush eʼlon qilish huquqlaridan mahrum qilindi. Muayyan darajada cherkovni davlatga boʻysundirib, ularga qirolning ruxsatisiz yer olishi man etildi, shuningdek, cherkov yurisdiksiyalari keskin cheklandi. Davlat hokimiyatiga toʻliq boʻysinuvchi boshqaruvning byurokratik apparati toʻliq rasmiylashtirildi. M.K. bilan Sitsiliya qirolligini markazlashuvi mustahkamlab qoʻyildi.