№2 амалий машгулот учун хронологик карта

Иситма турлари
1. Доимий ёки турғун иситма (febris continua). Бунда тана ҳароратининг доимий кўтарилиши кузатилади, сутка давомида эрталабки ва кечқурунги ҳарорат фарқи 1°С дан ошмайди. У ўпканинг крупоз яллиғланиши, қорин тифи, вирусли инфекция (масалан, грипп) учун характерли.
2. Бўшаштирувчи иситма (febris remittens, ремитирланувчи). Бу тана ҳароратининг доимий ошиб бориши билан характерланади, лекин ҳароратнинг суткалик фарқи 1° С дан ошади. Бундай ошувчи температура туберкулёз, йирингли касалликлар (масалан, чаноқ абсцесси, ўт пуфаги эмпиемаси, жароҳат инфекцияси), хавфли ўсмаларда учрайди.
Шуни ҳам айтиб ўтиш лозимки, тана ҳароратининг кескин ўзгариб туриши (эрталабки ва кечқурунги тана ҳароратининг фарқи 1°С дан ошадиган бўлса), кўпинча қалтираш ҳолатлари билан кечувчи иситмалар септик ном билан юритилиши қаъбул қилинган (ўзгарувчан иситма ва гектик иситмаларга қаранг).
3. Ўзгарувчан иситма (febris intermittens, интермитирланган). Суткалиик ҳарорат фарқи худди ремитирланувчи иситмага ўхшаб, 1° С дан ошиб боради, аммо бу ерда эрталабки ҳарорат нормага яқин ётади. Бунга сабаб тана ҳароратининг кўтарилиш даври тахминан бирор вақт оралиғида (кўпинча ярим кунга яқин ёки кечаси) бир неча соатга ошиши ҳисобланади. Ўзгарувчан иситма малярия, инфекцион мононуклеоз ва йирингли инфекцияларда (масалан, холангитда) кузатилади.
4. Мадорсизлантирувчи ёки гектик иситма (febris hectic, гектик). Эрталаб худди интермитирланувчи иситмага ўхшаб нормал, ҳатто тана ҳароратининг тушиши кузатилади, аммо суткалик ҳароратнинг фарқи 3-5°С гача боради. Бундай тана ҳароратининг кўтарилиши ўпканинг фаол туберкулёзига ва сепсис билан кечувчи касалликларда учрайди.
5. Тескари ёки бузилган иситма (febris inversus). Бу бошқа иситма турларидан шу билан фарқ қиладики, бунда эрталабки тана ҳарорати кечқурунгидан баландроқ бўлади, аммо шундай бўлсада одатда унча баланд бўлмаган кечқурунги ҳароратнинг кўтарилиши кузатилади. Бу иситма асосан туберкулёзда (кўпинча), сепсисда, бруцеллёзда учрайди.