№2 амалий машгулот учун хронологик карта

Иситма классификацияси
Иситманинг кечиши
Иситма 2 ҳафтагача бўлса ўткир, агар иситма 2 ҳафтадан узоқ давом этса сурункали дейилади.
Бундан ташқари, ҳароратнинг кўтарилиш босқичи (stadium incrementi), иситманинг авж олган даври ( fastigiyum ёки acme) ва ҳароратнинг пасайиш босқичи (stadium decrementi) фарқланади.
Ҳароратнинг пасайиши ҳар хил кечади. Аста-секин, 2-4 сутка давомида ҳароратнинг поғонасимон тушиши ва кечқурунги ҳароратнинг сезиларсиз кўтарилишлар билан кечиши лизис дейилади. Тўсатдан ҳароратнинг сутка давомида бирданига нормага тушиши кризис дейилади. Қоидага биноан, ҳароратни тез тушиши кўп терлаш билан кечади. Антибиотиклар эрасига қадар бу феноменга катта аҳамият берилган, чунки бу феномен тузалиш босқичининг рамзи бўлган.
Тананинг ҳарорати кўтарилишининг даражалари :
Тана ҳароратининг 37°С дан 38°С гача кўтарилиши субфебрил иситма (лат. sub ости, паст + febris иситма)
Тана ҳароратининг ўртача даражада 38°С дан 39°С гача кўтарилиши фебрил иситма дейилади.
Тана ҳароратининг юқори, 39°С дан 41°С гача кўтарилиши пиретик иситма номини олган (грекча pyretos-иссиқ)
Тана ҳароратининг ҳаддан ташқари юқори кўтарилиши (41°С дан юқори)- гиперпиретик иситма дейилади. Бу ҳарорат ўз-ўзидан ҳаёт учун ҳавфли ҳисобланади.


Ҳарорат эгрилиги
Ҳарорат юқори бўлганда клиницист учун тана ҳароратини нафақат бир мартаўлчаш, балки маълум вақт давомида унинг динамикасини ҳам билиши лозим. Одатда ҳарорат кунига 2 маҳал ўлчанади (эрталаб соат 7-9 да ва кечқурун соат 17-19 да ). Ҳароратни суткалик тебраниши иситманинг тури ва шаклини аниқлашга ёрдам беради.
Иситманинг 6 та асосий тури ва 2 та шакли бор:
Шуни инобатга олиш керакки, бизнинг аждодларимиз касалликнинг диагностикасида ҳарорат эгрилигига катта эътибор беришган, лекин ҳозирги даврда иситмани классик турлари ишда кам ёрдам беради, чунки антибиотиклар, иссиқлик туширувчи воситалар ва стероид препаратлар нафақат ҳарорат эгрилиги ҳарактерини, балки касалликни бутун клиник кўринишини ҳам ўзгартириб юборади.