Диарея синдроми билан кечувчи касалликлар давоси диарея юзага келиш сабаблари

ДИАРЕЯ СИНДРОМИ БИЛАН КЕЧУВЧИ КАСАЛЛИКЛАР ДАВОСИ
Диарея юзага келиш сабаблари

• 
  Ҳар куни соғлом одам ичагига 7-8 литр атрофида: овқат билан 2 литр, ошқозон шираси 2,5литр, оғиз бушлиғида сўлак 1литр, ичак шираси 1литр, ўт орқали 0,5литр суюқлик тушади. Шундан 200 млгина нажас орқали ташқарига чиқарилади, қолган қисми 70-80% ингичка ичак орқали ва 20-30% йуғон ичак орқали сурилади.
  
• 
  Сувнинг ичакларда сўрилиши электролитлар сўрилиши билан боғлиқ. У ворсинкалар эпителийси, яъни энтероцит ва колоноцитлар ёрдамида амалга оширилади. Ингичка ичакда сув ва электролитлар транспортировкаси пассив йўл орқали, йўғон ичакда актив йўл билан кимёвий концентрация мувозанатига қарши ўлароқ, яъни натрий насоси ёрдамида сўрилади. Глюкоза ва амминокис-лоталар сув ва электролитлар сўрилишини кучайтиради. Йўғон ичакда сўриладиган сув миқдори 1 суткада 5литрни ташкил қилади. Агар йўғон ичакда кўпроқ миқдорда сув тушадиган бўлса, диареяни келтириб чиқаради.
  
• 
  Диарея клиник кечиши ичакларда сув ва электролитлар сўрилишининг бузилганини кўрсатади. Диареянинг 4 тури мавжуд бўлиб, улар асосида турли патогенетик механизмлар ётади. Ҳар бир ичак касаллигида у ёки бу турдаги диарея хос.
  

Диарея турлари

• 
  Секретор диарея. Бу тур диарея асосида ичак бўшлиғида натрий ва сув секрециясининг кучайиши ётади. Секретор диарея вабо, вирусли диареялар, сальмонеллёзда, терминал илеит, постхолецистэктомик синдромда кузатилади. Нажас характери: сувдек кўп, гоҳида яшил рангда.
  
• 
  Гиперосмоляр диарея. Бу турдаги диарея сўрилиш синдроми бузилишида, дисахаридлар етишмовчилиги, тузли ич сурувчилар қабул қилганда учрайди. Нажас массасидаги осмотик босим қон плазмасидаги осмотик босимдан юқори. Нажас бунда куп, суюқ, чала ҳазм бўлган озиқ моддалар билан.
  
• 
  Гипер ва гипокинетик диарея. Ичаклардаги массанинг транзитор бузилишини келтириб чиқаради. Бу тур диарея асосида ичак мотор функциясининг пасайиши ёки ошиши ётади. Невроз, ич сурувчи дорилар ичганда, антацид моддалар ичганда кузатилади. Бу тур диареяда нажас суюқ, бутқасимон, миқдори кўп эмас.