13-mavzu. Turkiston general-gubernatorligining siyosiy-ma’muriy boshqaruv tizimi

15-mavzu. Turkistonda sud tizimi va harbiy politsiya tartibotining o‘rnatilishi

1. 
   Xonliklar davrida qozilar chiqargan qaroridan norozi bo‘lganlar kimga murojaat qilgan? Qozikalonga.
   
2. 
   Kimlar qat’iy belgilangan uchastkaga ega bo‘lishmagan? Qozilar.
   
3. 
   Qozilarning ish jarayoni qanday holda olib borilgan? Sud majlisi boshlanishidan oldin tomonlarga kelishib olishni taklif etgan. Bu taklifdan bosh tortilsa, qozi ularga qasam ichirib, tomonlarning arzini, guvohlarning ko‘rsatmalarini tinglagan, so‘ng qaror chiqargan va bu qaror mahalliy hokimiyat tomonidan zudlik bilan ijro etilgan.
   
4. 
   Kim bilimdon, adolatli va xalq orasida hurmat qozongan kishi bo‘lgan? Qozi.
   
5. 
   Qozilarga qanday majburiyat yuklangan? O‘zlariga murojaat qilgan tomonlarga betaraf va ularga nisbatan beg‘araz bo‘lishi, ulardan pul, sovg‘a, har xil xizmatlarni qabul qilmasligi lozim.
   
6. 
   Podsho hukumati tomonidan Turkistonda sud tizimida dastlab qanday o‘zgarish yuz bergan? Qozikalon lavozimi tugatilib, barcha qozilarning huquqi tenglashtirilgan.
   
7. 
   Podsho hukumati Turkistonda dastlab mustamlaka tizimini o‘rnatgach sud tizimida nimani saqlab qolgan? Tub joy aholining diniy e’tiqodiga mos ravishda amal qilingan shariat qoidalariga asoslangan qozilik va ko‘chmanchi tarzda hayot kechiruvchi aholining urf-odatlariga asoslangan biy sudlarini.
   
8. 
   Podsho hukumati Turkistonda mustamlaka tizimi o‘rnatilgach qanday sudlar faoliyati cheklanib, ular ustidan kuchli nazorat o‘rnatilgan? Milliy va diniy tartiblarga asoslangan sud tizimi.
   
9. 
   Sud tizimida amalga oshirilgan siyosatda qozi va biy sudlari oxir-oqibat tugatilishi hamda ungacha qanday sud ishlarini ko‘rib turishi maqsad qilib olingan edi? Oilaviy mojarolar, kishilar o‘rtasida janjal va kelishmovchiliklarni.