12-амалий машғулот. Мавзу: ОҒРИҚ Қолдирувчи (анальгетик) воситалар машғулот режаси

12-амалий машғулот. Мавзу: ОҒРИҚ ҚОЛДИРУВЧИ (АНАЛЬГЕТИК) ВОСИТАЛАР
Машғулот режаси:
1.Организмда оғриқ сезгисининг ахамияти
2. Оғриқ қолдирувчи воситаларнинг таснифи
3. Наркотик оғриқ қолдирувчи воситалар, уларнинг таснифи
4. Наркотик оғриқ қолдирувчи воситаларнинг асосий вакиллари, уларнинг ижтимоий ва тиббиётдаги ахамияти
5. Нонаркотик оғриқ қолдирувчи воситалар, уларнинг таснифи, асосий вакиллари, уларнинг қўлланилиши, ножўя таъсирлари, қўллаб бўлмайдиган ҳолатлар

Оғриқни сезиш организмдаги алоҳида рецепторлар – ноцицепторлар (noceo – шикастлайман) орқали амалга ошади. Бу рецепторлар экзоген ва эндоген таъсиротлар натижасида қўзғалади. Оғриқ импульслари бош мия пўслоқ қаватига алоҳида ўтказувчи йўллар орқали етади. Лекин МНСда оғриққа қарши антиноцицептив система мавжуд.

Бу система юқоридан пастга қараб таъсир этади ва оғриқ сезишни сусайтиради. Бундан ташқари, организмда бир қатор биологик фаол моддалар бўлиб, улар оғриқни сезишни ўзгартирадилар (оғриқсизлантирувчи эндоген пептидлар – энкефалинлар, β-эндорфин, динорфинлар, эндоморфинлар; оғриқ сезишни кучайтирувчи эндоген пептидлар – Р-субстанцияси). Сўнгги йилларда ноцицептин деб номланган янги эндоген пептид ажратилган бўлиб, у антиноцицептив фаолликка эгадир.


Опиоид рецепторларнинг турлари

µ-(мю) – анальгезия, седатив самара, эйфория, жисмоний қарамлик, нафаснинг сусайиши, меъда-ичак йўли аъзолари моторикасининг пасайиши, брадикардия, миоз;

δ-(дельта) – анальгезия, нафаснинг сусайиши, меъда-ичак йўли аъзолари моторикасининг пасайиши;
κ-(каппа) – анальгезия, седатив самара, дисфория, миоз, меъда-ичак йўли аъзолари моторикасининг камроқ даражадаги пасайиши, жисмоний қарамлик келиб чиқиши мумкин.
Ушбу рецепторларнинг организмда бир неча хил подтиплари ҳам мавжуд.
Демак, организмда оғриққа қарши мураккаб антиноцицептив тизим фаолият кўрсатар экан. Мабодо, ушбу тизимнинг фаоллиги пасайиб кетса ёки оғриқни қолдиришга кучи етмасагина оғриқсизлантирувчи воситаларни қўллаш зарурияти туғилади.
Анальгетиклар – ўзларининг резорбтив таъсирида танлаб фақат оғриқ сезишни камайтирадилар, бошқа сезувчанликка, эс-ҳушга ва ҳаракатларга эса терапевтик дозаларда таъсир кўрсатмайдилар.
Анальгетикларнинг фармакодинамикасига асосланиб қуйидаги гуруҳларга бўлинади: