12-амалий машғулот. Мавзу: ОҒРИҚ Қолдирувчи (анальгетик) воситалар машғулот режаси

Салицилат кислотаси унумлари ( салицилатлар)

Салицилатлар – ацетилсалицилат кислотаси – нонаркотик аналгетикларга хос бўлган уччала хусусиятга эгадир, бундан ташқари, бошқа тизим ва аъзоларга ҳам таъсир кўрсатади, жумладан нафас марказига бевосита қўзғатувчи таъсири ва карбонат ангидрид ҳосил бўлишининг ортиши туфайли уни кучайтиради (айниқса катта дозаларда).

Бунда респиратор алкалоз ривожланиши мумкин. Салицилатлар таъсирида юзага чиқадиган кислота-ишқор мувозанатининг бузилиши компенсацияланган алкалоз билан чекланади, чунки буйракдан пешоб таркибида К+ ва Na+ ионлари тез ажралади.
Бунда тўқималарнинг буфер сиғими камаяди. Қон томир тизимига салицилатлар деярлик таъсир этмайди, фақат катта дозалардагина қон то-мирларни кенгайтиради. Улар жигарнинг ўт ажратиш қобилиятини кучайтиради, буйраклар орқали уратлар ва фосфатларнинг қайта сўрилиши (реабсорбция)ни сусайтиради. Катта дозаларда пешоб таркибида урат кислотасининг қайта сўрилишини сусайтириши ҳисобига унинг ажрали-шини оширади (подаграда бу яхши).
Афсуски, кичик дозаларда бунинг акси бўлади ва урат кислотасининг қондаги миқдори ортади. Салицилатларнинг катта дозалари тромбоцитлар миқдорини камайтиради. Ацетилсалицилат кислотаси тромбоксан биосинтезини сусайтириб, тромбоцитлар агрегациясини камайтиради. Бундай хусусият натрий салицилатда йўқ.
Салицилатлар катта дозада гипоталамусни кучайтириши ҳисобига АКТГнинг ажралишини ва шу ҳисобига глюкокортикоидларнинг қондаги миқдорини оширади.
Уларнинг таъсирида оқсил, ёғ кислоталари ва аминокислоталарнинг парчаланиши тезлашади, синтезланиши эса сусаяди, қандли диабетда қондаги гипергликемия пасаяди. МИЙдан салицилатлар яхши сўрилади, тўқима тўсиқлардан яхши ўтади
Сўрилган салицилатларнинг 50-55%и оқсиллар билан бирикади. Улар жигарда коньюгатлар ҳосил қилиб, пешоб таркибида ўзгармаган қисми билан биргаликда ажралади. t1/2=10-12 соат.
Қўлланилиши: ўткир ва сурункали ревматоид касалликларда, невралгияда, миалгияда ва артритларда оғриқсизлантирувчи восита сифатида, иситма ту-ширувчи восита сифатида тана ҳарорати 38ºС дан ошганда қўлланилади.