12-амалий машғулот. Мавзу: ОҒРИҚ Қолдирувчи (анальгетик) воситалар машғулот режаси

Морфин билан ўткир заҳарланишда ёрдам чоралари:

• 
  Бундай беморларга иссиқ хоналарда ёрдам кўрсатилиши ва даволаниши лозим.
  
• 
  Беморнинг ошқозони ювилади.
  

• 
  Адсорбцияловчи воситалар ҳамда тузли сургилар берилади.
  
• 
  Нафас аналептиклари инъекция қилинади.
  

• 
  Кислород ингаляция қилинади, суньий нафас олдирилади.
  
• 
  Морфиннинг специфик антагонисти сифатида налоксон киритилади.
  

Морфин билан сурункали заҳарланиш:

Морфин билан сурункали заҳарланиш – морфинизм дейилади.

• 
  Ўрганиб қолиш келиб чиқади.
  
• 
  Руҳий ва жисмоний қарамлик пайдо бўлади.
  
• 
  Препаратни бериш бирданига тўхтатилса абстиненция синдроми кузатилади. Бунда қўрқув, ваҳима, безовталаниш, уйқусизлик, ҳаракат қўзғалишлари, агрессивликнинг ортиши каби симптомлар келиб чиқади. Баъзида эса коллапс кузатилиши мумкин.
  

• 
  Аста-секинлик билан сурункали заҳарланиш оғирлашиб боради. Ақлий ва жисмоний иш қобилияти пасаяди, терининг сезувчинлиги камаяди, ориқлаб қолиш, кучли чанқаш, қабзият, сочларнинг тўкилиши каби ҳолатлар пайдо бўлади.
  

• 
  Даволаш ўта мураккаб вазифа бўлганлиги сабабли руҳий касалликлар шифохонасида амалга оширилади.
  

Омнопон (пантопон) – қорадори таркибидаги фенантрен (морфин, кодеин, тебаин) ва изохинолин (папаверин, наркотин) қаторининг 5 та алкалоиди аралашмасидан иборат. Унинг 50%ини морфин ташкил этади. Омнопоннинг фармакодинамикаси морфинникига жуда ўхшаш, аммо у силлиқ мушаклар таранглигини морфинга нисбатан камроқ даражада оширади. Унга ҳам ўрганиб қолиш ва қарамлик юзага чиқади.
Кодеин – опий алкалоиди. Кайф чақирмайди, ўрганиб қолиш кам юзага чиқади, оғриқсизлантириш қобилияти морфинникидан 7 марта суст. Нафас марказига салбий таъсир этмайди, МИЙга таъсири йўқ, йўтал марказини морфиндан камроқ сусайтиради.