Юрак қон томир касалликларга бир қанча касалликлар

• Ноинфекцион касалликлар
• эпидемиологияси ҳақида тушунча

Юрак қон томир касалликларга бир қанча касалликлар (юракнинг ревматик касалликлари, юрак етишмовчилиги, перекардит, эндокардит, миокардит, кардиомиопатия, норевматик юрак клапанларининг жароҳатланиши, юрак ўтказувчанлигининг бузилиши, параксимал тахикардия ва бошқалар) киради. Буларнинг орасида ишемик ва хафақонлик касалликлари 30-35% ни ташкил этиб, бу стенокардия ва ўткир миокард инфаркти кўринишларида намоён бўлади.

Ҳозирги вақтда юрак ишемик касаллиги (ЮИК) бутун дунё мамлакатларида мустақил касаллик, деб баҳоланган бўлиб, атеросклероз туфайли юрак тож томирларининг тромбози ва торайиши сабабли миокарднинг қон билан таъминланишининг бузилиши натижасида юзага келади.
Юрак ишемик касаллигининг қуйидаги шакллари мавжуд:

• Қон айланишининг бирламчи тўхташи;
• Стенокардия;
• Миокард инфаркти;
• Юрак етишмовчилиги;
• Аритмиялар.

Юрак ишемик касаллигининг энг оғир ва кўп тарқалган шакли ўткир миокард инфаркти бўлиб, шифокорларнинг асосий эътибори шунга қаратилган.
Ўткир миокард инфаркти бу юрак миокарди артерияларининг тўсатдан беркилиши туфайли, миокарднинг некрозга учрашидир.

Ҳозирги вақтда эпидемиологик текширувлар натижаларига асосланиб, Европа кардиологлари уюшмаси ва Америка кардиологлар қўмитаси томонидан миокард инфарктининг стандарт таърифи ишлаб чиқилган.
Ўткир ривожланаётган ёки яқинда ўтказилган миокард инфарктнинг мезонлари:

• Қуйида келтирилган мезонларнинг бири ўткир ривожланаётган ёки яқинда ўтказилган миокард инфаркт ташхиси учун етарлидир:

• Миокард некрози (МН) биохимик маркерларининг қуйида келтирилган белгилар билан биргаликда (юрак тропонинларининг J ва T) кўтарилиши ва секин-аста пасайиши ёки (юқори молекуляр креатинфосфокиназаларнинг) кескин кўтарилиши ва пасайиши;