1-тема. Киши бизнес ҳӘм исбилерменликтиң ӘҲмийети ҳӘм мазмуны

2.3. Киши бизнес ҳәм исбилерменлик хызметин басқарыўдың мақсети ҳәм ўазыйпалары
Кәрхананы басқарыўдың мәқсетке муўапық стурктурасын қәлиплестириў исбилермен шешиўи тийис болған әҳмийетли ўазыйпалардың бири болып есапланады.
Кәрхананың басқарыў структурасы дегенде, басқарыў мақсетлерин әмелге асырыўшы ҳәм функцияларын орынлаўшы, бир-бири менен байланысқан ҳәр түрли басқарыў органлары ҳәм буйынларының комлекси түсиниледи.
Басқарыў структурасы өндирис структурасы депте жүргизиледи. Бунда басқарыўды шөлкемлестириўдиң дәслепки ҳәм белгилеўши факторы өндирис процесси есапланады. Бул өз-ара байланысқан тийкарғы, жәрдемши ҳәмде хызмет көрсетиўши процесслерден ибарат болып, булар бөлимлер ҳәм қәнигелер ортасында мийнеттиң бөлистирилиўин талап етеди. Усы мақсетте өндирис бөлимлери ҳәм оларға сәйкес болған басқарыў аппараты дүзиледи.
Басқарыўдың мақсети, функциясы, ўазыйпасы, объекти ҳәм органлары оның шөлкемлестириўшилик структурасын белгилеп береди.
Басқарыў буўыны-бул басқарыўдың айрым ямаса бир неше функцияларын орынлаўшы еркин бөлимлери.
Бул бөлимлер ортасындағы байланыс горизантал характерге ийе болады.
Басқарыў басқышы-бул иерархияның мәлим бир дәрежесинде ҳәрекет ететуғын буўыны. Мәселен:
М инистрлик бирлеспе кәрхана цех участка
Басқарыў басқышлары бир басқарыў буўынының екиншисине, әдетте, төменги буўынның жоқары буўынға бойсыныўын көрсетеди. Бул вертикал бойынша бөлиниўи.
Барлық буўын ҳәмде басқышлардың қурамы, олардың өз-ара бойсыныў тәртиби, ҳәр бир басқарыў органы ҳәм буўынының ҳуқуқ ҳәмде миннетлемелери, олар арасындағы қатнасықлар басқарыў системасын қурайды.
Басқарыў системасын түрли дәрежелерге бөлиў мүмкин: барлық тараўларды басқарыў; ҳәр бир тараў ишиндеги кәрханаларды басқарыў; кәрханалар ишиндеги бөлимлерди басқарыў ҳәм тағы басқа.


2.4. Киши бизнес ҳәм исбилерменлик кәрханаларының басқарыў шөлкемлестириўшилик структуралары
Киши бизнес ҳәм исбилерменлик кәрханаларының басқарыў шөлкемлестириўшилик структураларының төмендеги түрлери болыўы мүмкин. (2.4.1 –сүўрет)