1-тема. Киши бизнес ҳӘм исбилерменликтиң ӘҲмийети ҳӘм мазмуны

2.5. Киши бизнес ҳәм исбилерменликте басшының басқарыў методикасы
Басшының басқарыў методикасы дегенде, басқарыў процессинде келип шығатуғын машқалаларды шешиў усылларының комплекси түсиниледи.
Киши бизнес ҳәм исбилерменликте басшылықтың төмендеги басқарыў методикаларынан пайдаланылады:
1. Хожалық жумысларындағы кемшиликлерге жол қоймаў.
2. Жәмәәт ҳәм оның ҳәр бир қәнигеси ҳаққында ойлаў.
3. Жоқары мәдениятлы басқарыўды шөлкемлестириў.
4. Басшының жаңалықты сезиў қәбилети.
Киши бизнес искерлигин басқарыўдың бир неше басқышлары бар болып, оларға еки, үш ҳәм көп басқышлы басқарыўды мысал етип көрсетиў мүмкин. Киши бизнес искерлигин басқарыўда жәҳән әмелиятынан алынған ҳәм ең нәтийжелиси есапланған еки басқышлы усыл, яғный басшы – орынлаўшы усылынан кең пайдаланылады.

Қысқаша жуўмақлар

Кәрхананы басқарыўдың мақсетке муўапық қурамын жүзеге келтириў исбилермен шешеиўи керек болған тийкарғы ўазыйпалардан бири болып есапланады.
Киши бизнес кәрханалары басқарыў қурамының сызықлы-бағаналы, сызықлы-штаблы, сызықлы-функционал, дәстүрли-мақсетли, матрицалы түрлери бар.
Киши бизнес ҳәм исбилерменлик хызметин басқарыўда дүнья әмелиятынан алынған ҳәм нәтийжели усыл болып, еки бағаналы усыл, яғный басшы-орынлаўшы усылы есапланады. Бул усылдың нәтийжеси оның әпиўайылығы ҳәм орынлаўшы ортасындағы қатнасықлардың туўрыдан-туўры байланыслы екенлиги.
3-Тема. КИШИ БИЗНЕС ҲӘМ ИСБИЛЕРМЕНЛИК ХЫЗМЕТИН РЕЖЕЛЕСТИРИЎ

3.1. Бизнес реже, оның әҳмийети, мәниси ҳәм мазмуны.

3.2. Жаңа кәрхананы басқарыў

3.3. Киши кәрханалар хызметин экономикалық анализлеўдиң тийкарлары

Техникалық – экономикалық тийкарлаў. Өндирис хызмети менен байланыслы кәрхананы шөлкемлестириўде кәрхананың техникалық – экономикалық тийкарланыўын ислеп шығыў мақсетке муўапық болып есапланады. Техникалық – экономикалық тийкарлаўға төмендегилерди киритиў лазым:

1. 
   Өндириске бағдарланған товарларға болған талапты анализлеў.
   
2. 
   Өндирис көрсеткишлери:
   

а) талап етилиўи мүмкин болған конструкторлық, технологиялық ҳәм басқа ҳүжжетлердиң бар екенлиги;
б) өндирис бағдарламасы;
в) бағдарламаны орынлаў ушын зәрүр болатуғын машина, әсбап-үскенелердиң бар екенлиги;
г) өндирис қуўатлылықларының бар екенлиги ямаса олардың жойбары;
д) тийкарғы өндирис фондларының бар екенлиги;
е) айырым түрдеги товар ямаса хызметлердиң нәтийжелилиги;
ё) амортизация төлемлериниң муғдары.
3. Финанслық көрсеткишлер:
а) товар сатыўдан ямаса хызмет көрсетиўден алыныўы мүмкин болған дәрамат;
б) материаллық ҳәм оған теңлестирилген басқа сарыпланатуғын қәрежетлер;
в) бюджетке өткерилетуғын төлемлер;
г) таза дәрамат;
д) мийнет ҳақы фонды;
г) шөлкемлестирилип атырылған басқа фондлардың муғдары.
4. Социаллық көрсеткишлер:
а) жумысшылардың шама менен саны;
б) күтилип атырған ис ҳақы муғдары;
в) бир ислеўшиге туўры келетуғын сатыў муғдары;
г) майыплар пенсионерлер мийнетинен пайдаланыў имканияты.