Участка сайлов комиссиялари учун овоз беришни ташкил этиш бўйича эслатма

Участка сайлов комиссиялари учун овоз беришни ташкил этиш бўйича
ЭСЛАТМА

Муддатидан олдин овоз бериш
12-18 декабрь	1. Сайловчига сайлов кунида бўла олмаслигининг сабаблари кўрсатилган аризаси асосида бюллетен берилади. 2. Сайловчи бюллетен олганлиги ҳақида УСКнинг икки нафар аъзоси иштирокида сайловчилар рўйхати кўчирмасига имзо қўяди. 3. Бюллетен сайловчи томонидан махсус жиҳозланган яширин овоз бериш кабинасида тўлдирилиб, конвертга солинади ва елимланади. 4. Конвертнинг елимланган жойига УСКнинг икки нафар аъзоси имзолари қўйилиб, комиссиянинг муҳри ва овоз берувчининг имзоси билан тасдиқланади. 5. Конверт УСКнинг сейфида сақланади (22 декабрь куни 20:00да овоз бериш якунланганидан сўнг сайлов қутига ташланади).
Овоз беришни ташкил этиш
19-21 декабрь	1. Сайлов куни фойдаланиладиган бюллетенлар далолатнома асосида қабул қилиб олинади, уларнинг юқори ўнг бурчагига 2 нафар УСК аъзоси имзо қўяди ва муҳр босилади. 2. Сайловчилар рўйхатига ўзгартиш киритиш тўхтатилганидан сўнг, якуний рўйхат УСК биносида осиб қўйилади (Овоз бериш куни сайловчилар рўйхатига кирмай қолган сайловчилар шахсини, фуқаролиги ва яшаш жойини тасдиқловчи ҳужжат асосида иловасига киритилади).
22 декабрь	1. 8:00да Ўзбекистон Республикасининг Давлат мадҳияси ижро этилади, УСК раиси овоз бериш бошланганлигини эълон қилади. 2. УСК раиси ёки унинг ўринбосари кузатувчиларни, ваколатли вакилларни ва ОАВ вакилларини ҳужжатлар асосида рўйхатга олади. 3. УСК раиси ёки унинг ўринбосари участкасидаги сайловчилар сони, ОСКдан олинган бюллетенларнинг сони ва муддатидан олдин овоз берганлар сонини маълум қилади. 4. УСК раиси барча иштирокида стационар ва кўчма сайлов қутиларининг бўшлигини текширади ва уларни пломбалайди, пломбалар рақами кўрсатилган ҳолда далолатнома тузади. 5. УСК раиси комиссия аъзолари ўртасида вазифаларни тақсимлайди ва далолатнома асосида бюллетенларни аъзоларга тарқатилади. 6. Овоз бериш бошланганлиги алоқа воситаси орқали ОСКга маълум қилинади.