1-sinf matematika darsida tayyorgarlik davrini tashkil etish metodikasi ”

Tadqiqot predmeti: Birinchi sinfda matematikadan tayyorgarlik davri darslarini tashkil etish, o`tkazishning shakl va metodlari.
Tadqiqot vazifalari:

• 
  Boshlang`ich sinflarda matematika darslari tur va tiplari mazmun-mohiyatini oydinlashtirish.
  
• 
  1-sinfda matematikadan bilan shug`ullanishning asosiy o`quv-tarbiyaviy vazifalarini asoslash.
  
• 
  Sonlar va ular bilan amallar bajarishni o`rganishga tayyorlash darslari ishlanmalarini ishlab chiqish.
  
• 
  Matematikadan tayyorgarlik davri darslarini tashkil etish va uni o`tkazish yuzasidan usuliy tavsiyalar tayyorlash.
  

Tadqiqot metodlari: Psixologiya, didaktika va metodikaga oid adabiyotlarni o`rganish, pedagogik tajribani o`tkazish va uni umumlashtirish, ta`lim konsepsiyalari, o`quv dasturlari, darsliklarni tahlil qilish, pedagogik ekspertlarning tasdiqlovchi, ta`limiy , nazorat qilishga oid turlaridan foydalanish, o`qituvchi va o`quvchilar bilan so`rovnoma(anketa)lar o`tkazish.
Tadqiqotning metodologik asoslari: O`zbekiston Respublikasining ``Ta`lim to`g`risida``gi Qonuni, ``Kadrlar tayyorlash milliy dasturi``, Prezidentimiz I.A. Karimovning ta`lim to`g`risidagi fikrlari, faylasuf olimlarning inson bilishi to`g`risidagi qarashlari, psixolog va pedagog olimlarning ijodiy faoliyat bo`yicha o`tkazgan tadqiqotlari ilmiy-pedagogik izlanishimizning metodologik asosi sanaladi.
Bitiruv malakaviy ishining ilmiy yangiligi. Birinchi sinfga endigina qadam qo`ygan o`quvchida son va ular ustida arifmetik amallarni o`rganishga tayyorgarlik ishlarini tashkil etish metodikasi ishlab chiqildi. Shu davrga xos dars ishlanmalari ishlab chiqildi. O`qituvchilar uchun usuliy tavsiyalar tayyorlandi
Bitiruv malakaviy ishining ilmiy-amaliy ahamiyati. Mazkur ishda 1-sinfda matematika bilan shug`ullanishning asosiy o`quv-tarbiyaviy vazifalari nazariy jihatdan asoslandi. Tayyorgarlik davri matematika darslarini tashkil etish va uni o`tkazish metodikasi yoritildi.
Ushbu tadqiqot ishining amaliy ahamiyati shundaki, ishlab chiqilgan metodikadan 1-sinflarda matematikadan tayyorgarlik davri darslarini tashkil etishda, uni o`tkazishda foydalaniladi. Ishlab chiqilgan metodika va usuliy tavsiyalardan boshlang`ich sinflarda matematika o`qitishni takomillashtirishda, boshlang`ich sinf o`qituvchilari malakasini oshirish kurslarida foydalanish mumkin.