1-sinf matematika darsida tayyorgarlik davrini tashkil etish metodikasi ”

Bitiruv malakaviy ish mavzusining o`rganilganlik darajasi. Boshlang`ich sinf matematika ta`limini takomallashtirish boshlang`ich sinf o`quvchilarining o`quv-biluv faoliyatlarini o`stirish, o`quvchilarda matematik bilim, malaka ko`nikmalarni shakllantirish usul va metodlari muammolari yuzasidan juda ko`plab olimlar ish olib borganlar.
A.M.Pishkalo, M.I.Moro, N.B.Istomina, L.P.Stoylova, B.Abdullayeva, M.Jumayev, Sh.R.Rayxonov, R.Ibragimov, M.Solixova, F.M.Qosimov, A.Sodiqovalarning ilmiy tadqiqot ishlarida boshlang’ich ta’limda matematikadan o’qitishni takomillashtirish muammolari o’z ifodasini topgan bo’lsa, B.R.Adizov, M.Maxmudov, G.Najmiddinova, A.Hamroyev, M.Saidovlarning ilmiy izlanishlarida boshlang’ich ta’limda ijodiy yondashish, o’quv jarayonini loyihalash, ona tili ta’limida ijodiy yondashish masalalari o’rganilgan. “Boshlang’ich ta’lim”, “Pedagogik mahorat”, “maktabgacha ta’lim”, “Uzluksiz ta’lim”, “Psixologiya” kabi jurnallarda “Ma’rifat” gazetasida boshlang’ich ta’limni takomillashtirishga doir, o’quv jarayonning tashkil etishga doir qator maqolalar chop etilgan. Bular ichida boshlang’ich sinf matematikadan darslarini tashkil etish, uni o’tkazishga doir noan’anaviy darslarni o’tkazish metodikasiga oid maqolalar ham anchagina. Bunday maqola mualliflari sirasiga Sh.Rayxonov, F.M.Qosimov, M.Qosimova, N.Abdurahmonova, M.Muhiddinova, N.Safarova, Z.Qutliyeva, B.Abdullayeva, E.Xudoynazarov, N.Bikbayeva kabilarni kiritish mumkin. Maqolalarda ayrim mavzularning o’qitilishi, ba’zi dars ishlanmalari keltirilgan. Shuni alohida ta’kidlash lozimki, 1-sinf Matematikadan tayyorgarlik davri darslarini tashkil etish va uni o’tkazish alohida tadqiqot mavzui sifatida o’rganilmagan. Shu nuqtai nazardan bu mavzuni o’rganilishi kerak bo’lgan dolzarb mavzulardan biri sifatida qayd etish mumkin.
BMI maqsadi: Birinchi sinfda matematikadan tayyorgarlik davri darslarini tashkil etish va uni o`tkazish metodikasini ishlab chiqish, hamda usuliy tavsiyalar tayyorlash
Tadqiqot obyekti: I sinfda matematika o`qitish jarayoni