1-sinf matematika darsida tayyorgarlik davrini tashkil etish metodikasi ”

Daftar bilan ishlash.
Darslikning pastki qismida chizilgan shaklni doskaga chizib ko`rsatish. So`ng bu belgilarni havoda yozib ko`rsatish, 3-4 marta takrorlangandan so`ng daftarda yozdirish. Dars davomida qiynalgan o`quvchilarga yakka yordam berish.
Darsni yakunlash.
Dars davomida faol qatnashgan o`quvchilarni rag`batlantirish.
Uyga vazifa. Daftarning 4-betidagi shakllarni yozib, rasmini bo`yab kelish.


4- dars
MAVZU: HAR BIRI, HAMMASI, QOLGANLARI...
Darsning ta'limiy maqsadi:
a) o'quvchilarni bir xil, har xil, uzun, qisqa haqida egallagan bilimlarini boyitib borish;
b) o'quvchilarga har biri, hammasi, qolganlari yuzasidan bilim berish.
Darsning tarbiyaviy maqsadi:
a) dars mobaynida o'quvchilarni diqqatini, zukko, bilimdon bo`lish fazilatlarini tarbiyalash;
b) o'quvchilarni matematikadan faniga qiziqishini orttirish.
Darsning rivojlantiruvchi qismi:
O'quvchilarning faollik qobiliyatini rivojlantirish.
Darsning turi: Aralash, savol-javob, o'yin.
Darsning jihozlanishi:
a) 1-sinf «Matematikadan» darsligi;
b) 1-sinf «Matematikadan daftari»;
c) didaktik materiallar.
Darsning borishi:
1. O'quvchilar diqqatini darsga jalb etish.
2. O'tilgan mavzu yuzasidan egallagan bilimlarini mustahkamlash maqsadida «Nima yashirindi?» o'yinini o'tkazish. O'yin qoidasi bilan tanishtiriladi. O'qituvchi stol ustiga har xil rangdagi turli mashina o'yinchoqlarini qator qilib terib qo'yadi. «Matiz», «Tiko», «Damas», «Jiguli» — so'ng, o'quvchilarga e'tibor bilan qarang-chi, nechta mashina turibdi? Ularning rangi qanaqa? Nomi nima? Yana qanaqa mashinalarni bilasiz? deb ularning fikrlari aniqlab olinadi. Bir zumga o'quvchilarning ko'zlari yumdiriladi (mashinalardan bittasini yashirib qo'yiladi). Endi ko'zingizni oching va nechta mashina yashirindi? Qaysinisi? Rangi qanaqa? Nomi nima? deb o'quvchilar javobi tinglanadi. Shu tariqa o'yin bir necha marta takrorlanadi. Bu o'yinni piramida, raqamli kartochkalar, turli o'yinchoqlar, o'quv qurollari, sabzavotlar, mevalar, poliz ekinlarining maketlari bilan ham o'tkazish mumkin.