1-sinf matematika darsida tayyorgarlik davrini tashkil etish metodikasi ”

Darsni yakunlash. Dars davomida faol qatnashgan o'quvchi­larni rag'batlantirish.
Uyga vazifa. O'tilgan shakldan yozib, ularni bo'yab kelish.


MAVZU: ERTALAB, KUNDUZI, KECHQURUN. KECHA, BUGUN, ERTAGA...
Darsning maqsadi: Fazoviy tasavvurlarni mustahkamlash. Ertalab, kunduzi, kechqurun, kecha, bugun, ertaga kabi vaqt tushunchalari haqida ma'lumot berish. Vaqtga doir tasavvurlarni shakllantirish.
Darsning turi: Aralash, suhbat, savol-javob.
Darsning jihozlanishi:
a) 1-sinf «Matematikadan» darsligi va daftari;
b) geometrik shakllar;
d) uy-ro'zg'or asboblariga doir o'yinchoqlar.
Darsning borishi:
1. Darsni tashkil etish.
2. O'tilgan mavzuni mustahkamlash. O'tilgan mavzuni mustah­kamlash uchun turli didaktik o'yinlar, topishmoqli o'yinlar, amaliy mashg'ulotlar, o'yinchoqlar, geometrik shakllar, idish-tovoqlar, o'quv qurollaridan foydalaniladi. Masalan: «Aksini top» o'yinida o'qituvchi oldida desa, o'quvchi orqasida deyishi kerak, 1o'qituvchi o'ngda desa, o'quvchi chapda deyishi kerak.
— Choynakning oldida nima bor?
— Piyolaning orqasida nima bor?
— Likopchaning yonida nima turibdi? — savollariga javob olish orqali mavzu mustahkamlab boriladi.
Yangi mavzu ustida ishlash.
Darslik bilan ishlash.
O'quvchilarga ertalab, kechqurun, kecha, ertaga, oldin, keyin kabi vaqt tushunchalari haqida ma'lumot berish uchun darslikning 12-betidagi rasmga qarab suhbat o'tkaziladi. Rasmdagi bolaga Davron deb ism qo'yib, ertalab soat nechada turdi? Keyin u nima qlldl? Yuz-qo'lini yuvganidan keyin nima qildi? Maktabdan qachon qaytdi? Keyin u nima ish bilan shug'ullandi? Sizning kun tartibingiz qanday? — degan savollarga 3—4 o'quvchi javob beradi. Shundan so'ng dam olish daqiqasi o'tkaziladi:
Derazamni ochaman Toza havo kirsin deb. Badantarbiya qilaman, Tanam kuchga to'lsin deb. Bir, ikki, uch...
Daftar bilan ishlash.
Darslikning 12-betida berilgan shakl doskaga chizib ko'rsatiladi.
Geometrik shakllardan kvadrat, to'g'ri to'rtburchaklar qanday joylashtirilgan? — degan savollar orqali suhbat o'tkaziladi. Bu shakl boshqa shakllarga qaraganda murakkabroq ekanligiga o'quvchilar diqqati jalb qilinadi. Ruchka ushlash qoidasini eslatib, daftarda yozishni mashq qilinadi. O'quvchining kundalik faoliyatini bayon qilish bilan birga, daftarda berilgan soat, olma shakllarini chizish haqida tushuncha beriladi.