1-sinf matematika darsida tayyorgarlik davrini tashkil etish metodikasi ”

MAVZU: CHAPDA-O'NGDA, OLDIN, KEYIN, ORASIDA, YONIDA
Darsning maqsadi: Narsalarning o'zaro joylashuvidagi chapda-Ongda, oldin, keyin, orasida, balandda, pastda, yuqorida, yonida kabi tushunchalar asosida o'quvchilarda sodda fazoviy tasvvurlarni shakllantirish, fazoda mo'ljal olishga o'rgatish.
Darsning turi: Aralash, suhbat.
Darsning jihozlanishi:
a) 1-sinf «Matematikadan» darsligi, daftari;
b) hayvonlarning maketi; d) mavzuga mos rasmlar.
Darsning borishi:
1. Darsni tashkil etish.
2. O'tilgan mavzuni mustahkamlash. O'quvchilarni o'tilgan mavzu yuzasidan olgan bilimlarini mustahkamlash maqsadida turli amaliy mashg'ulotlar o'tkazish mumkin. Masalan: «Teskarisini ayt» o'yinini o'tkazish mumkin. O'qituvchi balandda desa, o'quvchi pastda deb javob beradi; agar o'qituvchi ortiq desa, o'quvchi kam deydi; o'qi­tuvchi chapda desa, o'quvchi o'ngda deydi; o'qituvchi oldin desa, o'quvchi keyin deydi; o'qituvchi uzun desa, o'quvchi qisqa deb aytadi va hokazo. Shu tariqa o'yinni bir necha marta takrorlash mumkin.
Yangi mavzu ustida ishlash. O'quvchilarga oldida, orqasida, yonida, o'ngda, chapda iboralari haqida tushuncha berish uchun o'qituvchi o'quvchilardan bir nechtasini doska oldiga chiqarib:
— Qani, bolajonlar, Nafisaning oldida kim turibdi? Dilshodning orqasida kim bor? Yoki Mohiraning yonida kim o'tiribdi? —deb savol beradi.
O'ng tomoningda qaysi do'stingni ko'rayapsan? — deb mavzuni o'quvchilar ongiga singdirish mumkin.
Darslik bilan ishlash.
Darslikning 11-betidagi rasmga qarab bolalarning har biriga ism qo'ying va gapirib bering, deb o'quvchilarga murojaat etish mumkin. So'zlaganda mavzu mohiyatidan chetga chiqmaslik talab etiladi.
— Qaysi hayvonlarning rasmini ko'ryapsiz?
Bu savolga javob berayotganda o'quvchilar oldida olmaxon, quyon, orqasida tulki, yonida ayiq borligi haqida tasavvur etib hikoya qilishi lozim.
Daftar bilan ishlash.
O'quvchilarni darslikning 11-betidagi shakl bilan tanishtiriladi. Bu shaklni doskaga chizib ko'rsatiladi, tushuntiriladi. Daftarda yozish mashq qilinadi.