1-sinf matematika darsida tayyorgarlik davrini tashkil etish metodikasi ”

Uyga vazifa. Shaklning davomini yozib kelish.
8-dars
MAVZU: YUQORIDA, PASTDA, CHAPDAN O'NGGA, O'NGDAN CHAPGA...
Darsning maqsadi: O'quvchilar ortiq, kam, ko'p, teng, shuncha iboralarining ma'nosini chuqurroq anglashlari uchun amaliy mashg'ulot o'tkazish. Yuqorida, pastda, chapdan o'ngga, o'ngdan ^v chapga mavzusi haqida tushuncha berish.
Darsning turi: Suhbat, savol-javob, didaktik o'yinlar orqali yangi mavzuni o'rgatish.
Darsning jihozlanishi:
a) 1-sinf «Matematikadan» darsligi, daftari;
b) o'yinchoqlar;
d) sabzavotlar, mevalar maketi;
e) mavzuga oid syujetli rasmlar.
Darsning borishi:
1. Darsni tashkil etish
2. O'tilgan mavzuni mustahkamlash. O'quvchilar o'tilgan mavzuni qanchalik o'zlashtirganliklarini sinash maqsadida o'yinchoqlar, sabzavotlar, mevalar maketlari, o'quv qurollari yordamida savol-javob o'tkazish.
Yangi mavzu ustida ishlash.
Darslik bilan ishlash. O'quvchilarga, yuqorida, pastda, chapdan o'ngga, ongdan chapga so'zlari haqida tushuncha beriladi. O'quv­chilar diqqatini darslikning 10-betdagi rasmga jalb qilib, suhbat o'tkaziladi. O'quvchilar ikkala rasmga qarab gapirib berishga o'rganadilar:
— Yuqoridagi rasmda nima tasvirlangan, pastki rasmda-chi?
— Hovliga qo'yilgan karavotda kimlar o'tiribdi?
— Yuqori tomonda kimni ko'ryapsiz?
— Sizning uyingizda yuqorida kimlar o'tiradi, keyin kimlar o'tirishi kerak?
Ota-onalarning hurmatini joyiga qo'yish kerakligi haqida gapi­rib, mavzuning tarbiyaviy tomoniga ham ahamiyat beriladi. Pastki rasmda esa, yoz faslidagi bog' ko'rinishi tasvirlangan.
— Bog'da nimalarni ko'ryapsiz? Nimalar pishgan?
— O'quvchilar nima qilishmoqda? Ularga ism qo'yib, gapirib bering.
— Bolalar terilgan olmalarni nimalarga joylashtirayaptilar? O'quvchilar og'zaki masala tuzib, yechishga o'rganadilar.
Masala tuzishda ular, albatta, balandda, pastda, yuqorida, chapdan o'ngga, o'ngdan chapga so'zlarini o'z o'rnida ishlata olishlari kerak bo'ladi. Rasmga qarab suhbat o'tkazayotganda rasmdagi har bir bolaga ism qo'yib, mavzuga moslab so'zlab berishlari zarur bo'ladi. Yangi mavzuni o'quvchilar ongiga yetkazib berish har bir pedagogning ijodiy izlanishiga, mahoratiga bog'liqdir.