1-Мавзу: Ахборот тизимларининг инструментал воситаларига кириш. Режа

7. Ҳужжатлаштириш воситаси

Ахборот тизимларини ишлаб чиқиш жараёнида ҳужжатларни яратиш учун турли воситалар яъни, ҳисоботларни шакллантириш воситалари ва нашриёт тизими компонентлари ишлатилади.
Одатда ҳужжатлаштириш воситаси CASE-воситаларнинг таркибида мавжуд бўлади. Лекин, баъзи пакетлар ҳужжатлаштиришда қўшимча сервис хизматларини тақдим этишгани учун уларни ишлатиш зарурияти туғилади. Ҳозирги кунда бундай пакетлардан SoDA (Software Document Automation) ҳужжатлаштириш воситаси кенг доирада қўлланилмоқда.
SoDA маҳсулоти ахборот тизимлари ҳаётий даврининг барча жабҳаларида ҳужжат лойиҳасини ишлаб чиқишни автоматлаштириш учун мўлжалланган. У лойиҳани ишлаб чиқиш жараёнида ҳосил бўладиган турли ахборотларни автоматик тарзда тортиб олиб, чиқарилаётган ҳужжатга қўшиш орқали ҳужжатни тайёрлаш имконини беради.
Шу билан бирга лойиҳа билан ҳужжатлар мослиги ва ҳужжатларнинг ўзаро алоқаси назорат қилинади ҳамда уларнинг ўз вақтида янгиланиши таъминланади. Натижавий ҳужжат автоматик тарзда кўплаб манбалар орқали шакллантирилади.
Пакетда ҳужжат шаблонларини тайёрлаш учун график редактор мавжуд бўлиб, у керакли стил, фон, шрифтни ўрнатиш, сарлавҳаларни жойлашувини аниқлаш, ахборотларни турли манбалардан олиб жойлаштириш учун заҳира жойини белгилаш каби имкониятларни беради.
SoDA FrameBuilder нашриёт базасида шаклланган бўлиб, ҳужжатлаштириш ва таҳрирлашнинг тўлиқ комплекс воситаларини ўз ичига олади.
SoDA тизими ишининг охирги натижаси бу тайёр ҳужжат ёки китоб ҳисобланади. Ҳужжат генерация қилинганидан сўнг, у SoDA (Frame Builder) форматидаги файл сифатида хотирага сақланади. Ҳужжат ёки ҳужжат қисмини чоп этишни фақат SoDA тизими орқали амалга ошириш мумикн.

8. Тестлаш воситаси

Тестлаш деганда дастурни бажарилиш жараёнида ундаги хатоликни топиш тушунилади. Регрессияли тестлаш - бу дастурга ўзгартиришлар киритилганидан ёки такомиллаштирилганидан кейинги бўладиган тестлашдир.
Ривожланган тестлаш воситаларидан бири QA (Quality Works) – интеграллашган ва кўпплатформали муҳитга эга бўлиб, регрессияли тестлар ҳамда ихтиёрий даражадаги автоматлаштирилган тестларни ишлаб чиқишга мўлжалланган.
QA дастурий таъминот ҳаётий даврининг ихтиёрий палласида тестлашни бошлашга рухсат беради, бундан ташқари тестлаш жараёнини режалаштириш ва бошқариш, иловалардаги ўзгаришларни кўрсатиш ва тестни такроран ишлатиш имконини ҳам беради.