1. Kichik biznes va tadbirkorlik tushunchasi hamda uning mohiyati

Birinchidan, har qanday tadbirkorlikning asosiy prinsipi bo’lib uning subyektlarining xususan, fuqarolar, ularning birlashmalari, yuridik shaxslarning mustaqil tashabbus ko’rsatish faoliyati hisoblanadi. Qishloq xo’jaligida agar tadbirkor faoliyat yuritish uchun mustaqil tashabbus ko’rsata olmasa, u o’z oldiga qo’ygan maqsadga erisha olmaydi, raqobatga bardosh bera olmaydi, natijada bankrotga uchrashi muqarrar. Bunday tijoratchi korxonalarga nisbatan sanasiya va bankrotlikka oid qonun normalarining qoidalari qo’llaniladi. Bozor sharoitida qishloq xo’jaligida faoliyat yurituvchi tadbirkorlik subyekti o’z faoliyatini mustaqil belgilaydi, rejalashtiradi va uyushtiradi. Uning faoliyatini yuqori turuvchi davlat organlari tomonidan rejalashtirishga yul qo’yilmaydi. Qishloq xo’jalik tadbirkorlik o’z faoliyatini yuridik shaxs yoki yuridik shaxs tashkil qilmasdan amalga oshirishidan qat’i nazar, o’zlari ishlab chiqarayotgan mahsulotga, xizmatga bo’lgan talablarni hisobga olib, taraqqiyot istiqbollarini o’zlari mustaqil holda belgilaydi.
O’z-o’zidan ravshanki, tashabbussiz mustaqil tadbirkorlik faoliyatini rivojlantirishga imkoniyat yaratilmaydi. O’tmishda, iqtisodiyotdagi faoliyat tashabbusga asoslanmaganligi, mus-taqillkdan mahrum bo’lganligi uchun ma’muriy buyruqbozlikka bo’ysundirilgan sosialistik «kolxoz» va «sovxoz» ishlab chiqarishini boshqaruv shakllari muvaffaqiyatsizlikka uchradi. Shu sababli, agrar tarmoqda tadbirkorlik mustaqilligini amalga oshirilib, huquqiy jihatdan muhofaza qilingan taqdirda, qishloq xo’jalik ishlab chiqarishining samaradorligiga erishish mumkin.
Ikkinchidan, qishloq xo’jaligida tadbirkorlik faoliyatining oqilona rivojlanish uchun nafaqat O’zbekiston Respublikasi miqyosida siyosiy, huquqiy va axborot maydoni zarur bo’lib qolmasdan, balki jahon bozoriga chiqish ham samarali huquqiy normalar bilan qat’iy mustahkamlangan bo’lishi shart. Umumbashariy tadbirkorlik faoliyati qaysi sohada amalga oshirilishidan qat’i nazar muayyan ma’muriy-hududiy, hatto davlat chegarasi bilan cheklanib qolmasligi kerak. Boshqacha aytganda, qishloq xo’jaligida tadbirkorlik faoliyatini amalga oshirish uchun davlat tomonidan har tomonlama teng imkoniyatlar yaratilishi iqtisodiy islohotlarni tarmoqda jadallashtirishning muhim omili bo’lib hisoblanadi.