1. Ҳар бир инсон бевосита ёки эркин сайланган вакиллар воситаси орқали ўз мамлакатини бошқаришда қатнашиш ҳуқуқига эга

2. Давлат хизмати тушунчасига қандай таъриф берилади?
Ўзбекистон Республикасининг “Давлат фуқаролик хизмати тўғрисида”ги Қонунида давлат фуқаролик хизмати термини ишлатилган бўлиб Қонунда ушбу терминга “давлат хизматининг бир тури бўлиб, Ўзбекистон Республикаси фуқароларининг давлат фуқаролик хизмати лавозимларидаги давлат органлари ваколатлари амалга оширилишини таъминлашга доир ҳақ тўланадиган касбий фаолиятини ифодалайди³,” - дея таъриф берилади.
Давлат хизматини амалга ошириш ва ундан фойдаланиш тушунчасининг махзмун-моҳияти эса Ўзбекистон Республикасининг “Электрон ҳукумат тўғрисида”ги Қонунида қуйидагича таърифланади: “Давлат хизмати — ариза берувчиларнинг сўровларига кўра амалга ошириладиган, давлат органларининг вазифаларини бажариш бўйича улар томонидан кўрсатиладиган хизмат. Агар қонунчиликка мувофиқ давлат хизматлари кўрсатиш функциялари бошқа ташкилотлар зиммасига юклатилган бўлса, улар ҳам давлат хизматини кўрсатишлари мумкин.” Бошқа бир манбада қуйидаги қисқа таъриф келтирилади. “Давлат хизмати — ариза берувчиларнинг сўровлари бўйича давлат органларининг функциялари амалга оширилиши бўйича давлат органлари томонидан кўрсатиладиган хизматлар.”
3. Тенг сайлов ҳуқуқи тушунчаси нимани англатади?
Ушбу принципга кўра сайловда иштирок этувчи ҳар бир фуқаронинг фақат бир овозга эга бўлишини ҳамда овозлар тенглигини англатади. Овозларни санаш чиқишда бир сайловчи овози бошқаси билан тенглигини, бирорта овоз бошқасидан ҳеч қандай ҳолатда ҳам устун эмаслигини билдиради. Шунингдек, сайловдаги тенглик асосидаги иштирокни ҳам ўз ичига олади.
Ўзбекистон Республикасида демократик тамойилларга кўра ташкил этиладиган сайловларни ўтказиш тартиб-қоидалари бевосита Ўзбекистон Республикасининг Сайлов кодексида белгилаб берилган. Кодексда тенг(умумий) сайлов ҳуқуқи тушунчасига берилган таърифга кўра: “Сайловда иштирок этувчи ҳар бир фуқаро бир овозга эга бўлади.
Суд томонидан муомалага лаёқатсиз деб топилган фуқаролар, шунингдек суд ҳукми билан озодликдан маҳрум этиш жойларида сақланаётган шахслар сайланиши мумкин эмас.⁴.”