1- mavzu.“Мehmonxona xo’jaligi marketingi” fanining predmeti, maqsadi va vazifalari

Onlayn(internet) reklama
Onlayn reklama, onlayn mijozlar bilan munosabatlarni boshqarish hamda elektron axborot byulletenlari veb-sahifalarga joylashtiriladigan va e-mail orqali tarqatiladigan reklama shakllariga kiradi. Onlayn reklama haqida batafsil 10-bobda ma’lumot beriladi.


To’g’ridan-to’g’ri e-mail/Mijozlar bilan munosabatlarni boshqarish (CRM)/Axborot byulletenlari
Borgan sari turizm va mehmonxona sohalari, shuningdek boshqa sohalar ham ko’proq ma’lumotlari bazasi marketingi yoki “to’g’ridan-to’g’ri marketing”ga va kommunikatsion yondashuvga e’tibor bermoqdalar. Ushbu aloqa turlarining ustunligi shundaki, ular mijozga moslasha oladilar, natijada ular bilan do’stona aloqalar o’rnatiladi va mijozlarning sadoqatini oshirishi mumkin. Ayniqsa mehmonxonalar o’z ma’lumotlar bazasidan unumli foydalanib, mijozlar ehtiyojlaridan kelib chiqib, xoslashtirilgan reklama xabarlari yuborishlari mumkin. To’g’ridan-to’g’ri marketing metodlari 9-bobda kengroq ochib berilgan.


Broshuralar tarqatish
Broshuralar kabi tarqatma materiallarga turizm va sayohat hozirgacha qattiq bog’langan va ularning rivojlanishi va tarqatilishi aloqalarni o’rnatishda muhim hisoblanadi. Turizmda broshuralar doimo katta ahamiyatga ega bo’lib kelgan (Wickes and Schuett, 1991) va iste’molchilarning qaror qabul qilishida axborot manbai hisoblanib kelgan (Molina and Esteban, 2006). Broshuralar an’anaviy ravishda ma’lumotlarni yaxshi yetkazib bera oladi va tashkilotlarga manzil yoki kompaniya to’g’risida reklama ko’rinishida kuchli xabarlar yetkazish imkonini berdi. Asosan broshuralar bo’lajak mijozlar o’rtasida talabga ega, bundan ko’rinib turibdiki, broshuralar savdoni amalga oshishiga yaxshi imkoniyatlar yaratadi. Ammo ular juda universal bo’lganligi sababli, maxsus bozor iste’molchilarini yetarlicha jalb qila olmasligi mumkin. Broshuralar insonlarda kurortlar, sayyohlik manzillari va brendlar haqida taassurot uyg’otadi.
Ularda standart surat va hikoyalar to’plamlaridan foydalaniladi va bu ma’lumotlar qanchalik haqiqatga yaqin ekanligi turizm ijtimoiy fanida ko’pgina bahslarni keltirib chiqardi (Dann, 2006).