1- mavzu.“Мehmonxona xo’jaligi marketingi” fanining predmeti, maqsadi va vazifalari

Media strategiyalari
“Media” atamasi keng auditoriyani qamrab oladigan ommaviy aloqa turlarini bildiradi va bu “efir” deb atalib, ko’p segmentli marketing strategiyalari bilan uzviy bog’liq. Teleradio uzatish strategiyasida uning natijasi farq qiladi, masalan “kabelli televidenie” bozorning asosan torroq segmentlari uchun mo’ljallanadi va yo’naltiriladi. Yuqorida aytib o’tkanimizdek, teleradio OAV lari auditoriyasi qayta taqsimlandi ya’ni ularning soni va xilma-xilligi atrofda OAV ning yangi shakllari(reklama stendlari, mobil dasturlari va hokazo) paydo bo’lgani sababli tez sur’atlarda ko’paydi. Bundan tashqari, taqsimlanish natijasida auditoriya ko’proq efirning torroq yo’nalishlarini qabul qila boshladi. Shunday bo’lishiga qaramasdan, teleradio efirlarining asosiy prinsipi bu qisqa muddatda juda ko’p sonli insonlarni qamrab olishidir. Odatda media strategiyalari uch turga bo’linadi: ommaviy yondashish, aniq bir mo'ljalga yondashish va aralash yondashish (bunda ommaviy yondashishdan ham mo’ljalli yondashishdan ham foydalaniladi).
O’z nomidan bilinib turibdiki, ommaviy strategiyalar ommaviy axborot vositalariga bilan bog’liq bo’lsa, mo’ljalli strategiyalar ko’proq maxsus tanlovga asoslanadi.
^{Marketing strategiyasida mediadan foydalanish quyidagilarga bog’liq}

• 
  qay turdagi iste’molchilarga mo’ljallanganligiga
  
• 
  segmentdagi insonlar umumiy soniga
  
• 
  ularning qaysi OAV lardan foydalanishga odatlanganliklariga
  
• 
  strategiyaning maqsad va vazifalariga
  
• 
  mavjud byudjetga.
  

Reklama kanallari diapazoni (oralig’i)
Shunisi muhimki, reklama faqatgina tele, radio va boshqa efirli ommaviy axborot vositalariga tegishli emas. Haqiqatdan ham, turizm va mehmonxona sohasi tuzilmasida asosiy ulush kichik va o’rta hajmdagi kompaniyalardan, kamgina qismi esa yirik xalqaro va hududiy marketing tashkilotlaridan iborat. 7-bobda biz marketing aloqalarining vazifalaridan biri resurslar cheklanganligini e’tiborga olish ekanligini muhokama qilgan edik.
Reklama Assotsiatsiyasi (The Advertising Association - AA) quyidagi reklama kanallarini sanab o’tadi (http://www.adassoc.org.uk/):

• 
  kataloglar
  
• 
  jurnallar
  
• 
  milliy gazetalar (klassik yoki onlayn)
  
• 
  mintaqaviy va hududiy gazetalar
  
• 
  televidenie yoki kinoteatr
  
• 
  tijorat radiosi
  
• 
  reklama plakatlari
  
• 
  pochta
  
• 
  ko’rgazmalar
  
• 
  merchandayzing va savdo shahobchalari
  
• 
  savdoni rag’batlantirish
  
• 
  homiylik
  
• 
  Internet
  
• 
  mobil aloqalar
  

Yuqoridagi kanallarning ayrimlarini biz keyingi boblarda kengroq ko’rib chiqamiz: Internet, onlayn reklama va mobil aloqa kanallari.