Ўзбекистон республикаси ва ўрта махсус таълим вазирлиги техника олий ўқув юртлари талабалари учун дарслик сифатида тавсия этилади

Цилиндрсимон банкалар. Бундай банкаларнинг асосий шакли бўлиб ичи бўш силиндр ҳисобланади. Цилиндрсимон банкаларнинг афзалликларидан бўлиб, уларнинг мустаҳкамлиги ва турғунлиги, маҳсулотни жойлаш ва беркитишдаги қулайликлари ҳисобланади. Ишлаб чиқариш ва омборхоналар майдонларидан фойдаланиш самарадорлигининг пастлиги, ташиш ва сақлашга харажатларнинг кўплиги асосий камчиликларидан ҳисобланади.
Комбинацияланган материалдан тайёрланган цилиндрсимо банкалар. Банкалар қоғоз, металл ва синтетик материаллар Комбинациясидан тайёрланиши мумкин. Уларнинг дўлмий компоненти бўлиб, қоғоз-сунъий материал ёки алюминийли фолга-қоғоз Комбинациясидан иборат ўрама қоғоз ҳисобланади. Банканинг ишлов бериладиган қисми металлдан (оқартирилган ёки лакланган пўлат ёки алюминий варағи) ёки синтетик материалдан (полиэтилэн, полистерол) тайёрланиши мумкин. Бундай банкаларнин қопқоғи махсус кўринишларда (масалан пуркагич вазифасини бажарувчи) тайёрланиши мумкин. Беркитилиш усуллари худди металл банкаларники сингари бўлади.
Комбинациялашган материаллардан тайёрланган банкалар зич беркитилиши уларда буғ, газ ва ҳидлардан ҳимояланиши керак бўлган пастасимон ва суюқ (углерод икки оксидиги эга бўлмаган мева шарбатлари, ёғлар, мойлар, асал ва бошқалар), донали маҳсулотлар (масалан кофе) ва шунинг билан бирга кукунсимон озиқ-овқат маҳсулотларини (какао, сут кукуни) қадоқлаш имконини беради. Кўпгина ҳолларда бундай банкалар металл банкаларнинг ўрнида фойдаланилади.
Металлл банкалар қалинлиги 0,14-0,28 мм бўлган пўлат, баъзида эса алюминий варақларидан тайёрланиши мумкин. Металл банкаларнинг туби ва қопқоғи юмалоқ шаклдаги металл варақларидан тайёрланади. Қопқоғи алоҳида тайёрланган ва қистириб қўйиладиган банкалар кучли мустаҳкамликка ва қадоқлаш хусусиятига эга ва мос ёпиладиган воситалари мавжуд бўлганда кукунлар ва суюқликларни қадоқлаш учун ҳам яроқли бўлиши мумкин. Бундай қопқоғи қўзғалувчан банкалар кам мустаҳкамликка эга бўлади ва шикастланишга камроқ сезгир бўлган озиқ-овқат маҳсулотларини қадоқлашда қўлланилиши мумкин. Бу банкаларни тўлдириш ва беркитиш техник даражаси турлича бўлган цехларда осон механизасиялаштирилиши мумкин.
Алюминий банкалар одатда турли қисмлардан иборат бўлади ва турли хил технологияларни қўллаш йўли билан тайёрланади.
Қопқоғлари беркитилган металл банкалар (консерва банкалари) сув, буғ ва ҳидли моддаларнинг ўтишини олдини олиниши ва стерилизацияланиши мумкин. Маҳсулот ва ташқи муҳит билан таъсирланишининг олдини олиш учун металл банкалар ҳимоя қоплами билан қопланади. Қоплама қоплаш, ишлаб чиқариш технологиясидан келиб чиқиб, олдиндан ёки банка тайёр бўлгандан сўнг амалга оширилади.
Металл банкалар махсус ҳимояни талаб қиладиган маҳсулотларни қадоқлашда ишлатилади.