Ўзбекистон республикаси ва ўрта махсус таълим вазирлиги техника олий ўқув юртлари талабалари учун дарслик сифатида тавсия этилади

ОЗИҚ-ОВҚАТ ВА ҚИШЛОҚ ХЎЖАЛИГИ МАҲСУЛОТЛАРНИ САҚЛАШ ВА ҚАЙТА ИШЛАШНИНГ ҲОЗИРГИ ҲОЛАТИ



Бугунги илм-фан жадал суръатлар билан ривожланаётган даврда,янги замонавий қадоқлаш технологияларининг маҳсулот ишлаб тизимларига жорий қилинини, бозор иқтисодиётида рақобатбардош озиқ-овқат ва қишлоқ хўжалиги маҳсулотларини ишлаб чиқаришга, янги маҳаллий брендлар остида экспортбоп сифати маҳсулотлар ишлаб чиқаришга ва унинг хавфсизлигини оширишга, маҳсулотни маркетингини, тарқатиш жараёнини оптималлаштириш масалаларини ижобий ҳал қилишга, мамаклауатимизда ишлаб чиқарилаётган озиқ-овқат маҳсулотларига талабнинг ортишига хизмат қилади.Баъзи бир корхона ва ташкилотларда молиявий ресурсларнинг етишмаслиги соҳага тежамкор, чиқиндисиз ишлайдиган технологияларни жорий этишдп, ишлаб чиқаришни янада диверсификация қилишда ва экологик муаммоларни ҳал қилишда бир қийинчиликларни юзага келтирмоқда.
2021 йилда асосий турдаги озиқ-овқат ва қишлоқ хўжалиги маҳсулотлари ҳажмини ички имкониятлар,ресурслар ҳисобидан таъминлашни ишлаб чиқариладиган маҳсулот ҳажмини ошириш режалаштирилмоқда. Буборада Ўзбекистон Республикаси Вазирлар Маҳкамасининг 15.03.2021 йилдаги «Ички истеъмол бозорини асосий турдаги озиқ-овқат маҳсулотлари билан кафолатли таъминлашга доир қўшимча чора-тадбирлар тўғрисида»ги 135-сон қарори қабул қилинди.
Қарор талабларидан келиб чиқган ҳолда Вилоятларда ҳудудлар маҳаллий корхоналар кесимида асосий турдаги озиқ-овқат ва қишлоқ хўжалиги маҳсулотлари ишлаб чиқариш ҳажмларини кўпайтириш,унинг сифат кўрсарини чуқур таҳлил қилиш,мамлакатимиз аҳолисини озиқ-овқат ва қишлоқ хўжалиги маҳсулотлари билан йил мобайнида узлуксиз таъминлаш борасида чора-тадбирлар белгиланди.
Хусусан, бутун республика бўйича 2 449 108 тонна картошка, 227 222 тонна гуруч, 1 584 863 тонна гўшт, 8 124 595 минг дона тухум ишлаб чиқарилиши белгиланган.
Бундан ташқари, 78 минг тонна ўсимлик ёғи, 64 минг тонна шакар, 300 минг тонна картошка, 40 минг тонна гўшт импорт қилиниши назарда тутилмоқда.
Ҳар йили экиб келинаётган картошка майдонларидан камида 10 фоизга кўп майдонга, жами 87 минг гектардан кам бўлмаган майдонларга картошка экилиши учун уруғлик захираси яратилади.
2021 йилда тупроқ ва иқлим шароити, сув таъминоти яхши бўлган қулай ҳудудларда 1 гектаргача бўлган майдонларда картошка етиштириш йўлга қўйилади.
Мева-сабзавотчиликни барқарор ривожланишида маҳсулот етиштиришнинг илғор технологияларини қўллаш, маҳсулотни қайта ишлаш ва саклашнинг замонавий усулларини жорий қилиш бугунги кунда озиқ-овқат танқислигини олдини олиш имконини яратади. Маълумки, етиштирилган мева-сабзавот маҳсулотларини истеъмолчига тайёр маҳсулот кўринишида етиб боришигача бир қатор технологик жараёнлардан ўтади. Қуйидаги 1-жадвалда мева-сабзавот маҳсулотлари ишлаб чиқариш ва уларни истеъмолчиларга етказиш босқичлари келтирилгаи.