Ўзбекистон республикаси ва ўрта махсус таълим вазирлиги техника олий ўқув юртлари талабалари учун дарслик сифатида тавсия этилади

Метал, қоғоз ва полиэтилэн идишлари, уларнинг турлари ва физик-кимёвий хусусиятлари. Металл, қоғоз ва полиэтилэн идишларни қадоқлашга тайёрлаш ва шакл бериш.
Металл идишлардан мойга металл катализаторлари оксидланиб ўтишининг олдини олиш учун идиш махсус ҳимоя қатлами билан қопланган ёки тегишли металл, масалан, титан қуймаларидан тайёрланган бўлиши керак. Янги мойга 10%гача оксидланган мойнинг қўшилиши, яъни перекис бирикмаларининг оз миқдори ҳам мойнинг сақлаш давридаги чидамлилигини сезиларли пасайтиради.
Юқорида айтиб ўтилганидек, металллар ҳам мойларнинг оксидланишини тезлаштиради. Мойларда металлар мой кислоталари тузлари шаклида бўлиб, кўпгина металлар фосфоритлар таркибига киради. Шунинг учун мойлар гидратация ва рафинатсиялагандан сўнг улар миқдори 5-10 баробар камаяди. Мойлар узоқ сақланса, идиш (тара) металининг мойга ўтиши кузатилади. Мой ва ёғларнинг оксидланишига кўпроқ мис, темир, марганес таъсир кўрсатади. Мойлардаги мис ва темирнинг оғирлик улуши мг/кг да ифодаланиб, 1-жадвалда кўрсатилган қийматлардан ошмаслиги керак. Юқорида айтиб ўтилганидек, мойлар оксидланишининг олдини олиш учун антиоксидантлар ҳам қўлланилади. Сунъий антиоксидантлар токсик (заҳарли) бўлганлиги сабабли уларнинг миқдори ёғ огирлигидан (0,28%дан) ошмаслиги керак.
Шу билан бирга, оксидланиш тезлигига турли қисқа тўлқин узунлигига эга бўлган нурланишлар (радиация, ултрабинафша нурланиш ва ҳоказо) ҳам таъсир қилади. Бунда ҳам оксидланиш жараёнининг ривожланишида иштирок этувчи эркин радикаллар ҳосил бўлади. Жигарранг ёки тўқ яшил рангли шиша идишда сақланаётган мойнинг сақланиш муддати рангсиз шиша идишда сақланиш муддатидан 1,5-2 марта узаяди.
Қоғоз ва картон. Қоғоз ишлаб чиқариш саноатининг 1 м² нинг массаси 180 г гача бўлган маҳсулотлари қоғоз, 180 дан 400 г гача бўлган маҳсулотлари картон деб аталади. Аммо техник нуқтаи назардан бу эрда аниқ чегарани белгилаб бўлмайди. Қоғознинг хоссалари унинг зичлиги, толаларнинг тузилиши, ишлаб чиқариш технологияси (майдаланиш даражаси, қоғоз варағини олиш, қуритишнинг ўзига хосликлари), қўшимча материаллар (тўлдиргичлар, боёқлар, елимловчи моддалар) ва ишлов беришга (оқлаш) боғлиқ бўлади. Қоғоз ва картон турли навларининг хоссалари уларнинг қайси мақсадларга мўлжалланганлигига қараб белгиланади. Қадоқлашга мўлжалланган қоғоз қаттиқ, мустаҳкам, тамғани яхши қабул қиладиган бўлиши керак. Бу мақсадларда кўпинча махсус қадоқлаш қоғози ва картон ишлатилади.