Zoologiya(Omirtqali) pa'ninen Laboratoriyalıq jumıslar Jumıstı orınlawǵa kórsetpeler

Ishki organlardıń ulıwma jaylasıwı.
Jarılǵan akulada (16 s) qursaq hám júrek átirapı quwıslıǵında jatqan ishki organları jaqsı kórinedi. Qursaq quwıslıǵında sharbısı rawajlanıp, onda as pisiriw organı asılıp turadı. Ulken úsh bólimli bawır iri iyilgen asqazandı azlap jawıp turadı, oǵan jaqın sharbıda qara qızıl talaq jaylasqan. Asqazannan bólimlerge ajıratılǵan isheklik ketedi hám kloaka menen tamamlanadı. Qursaq quwıslıǵınıń tereń túbinde omırtqanıń eki tárepinde uzınsha búyrek jaylasqan.
Qursaq quwıslıǵı óziniń joqarǵı betinde, júrek átirapı quwıslıǵınan bóliwshi perde menen bólingen. Sońǵısında júrek hám onıń aldında turǵan jutqınshaqqa baratuǵın ishki saǵaq tesigi kórinedi.
Organlar sisteması
As pisiriw sisteması. Dóńgelek awızlarǵa qaraǵanda shemirshekli balıqlar ádewir quramalı hám jetilisken as pisiriw sistemasına iye bolıp, ulıwma uzınlıǵı hám bólimlerge bóliniwi menen sıpatlanadı. Akulada anıq asqazan bar, ishekligi, spiral klapan, juwan ishegi tik aylanba payda etedi. Kópshilik akula jaqlarında-túri ózgergen plakoidlı qabırshaǵı-kópshilik haqıyqıy tisleri bar. Awız sańlaǵı, keń awız boslıǵına, al ol tikkeley jutqınshaqqa ótedi. Jutqınshaq boslıǵına ishki saǵaq tesikleri hám shashratqısh ashıladı. Jutqınshaq boslıǵı kelte óneshke, ol kólemli asqazanǵa ótedi. Asqazan iymegi eki dize sıyaqlı eki oram payda etedi-uzın áketiwshi hám kelte ákeliwshi.
Qarın aldında úlken úsh bólimli bawır jatır hám sheti menen qarındı jawıp turadı, bawır bir bólegi menen isheklikti-de jawıp turadı. Bawırdıń ortanǵı bóliminde úlken ot qaltası jaylasqan, onıń jolı isheklikke tutasıp jatır.
Kelte joqarǵı asqazan bólimi tikkeley jińishke ishekke quyılǵan, aldınǵı bólimi on eki eli ishek dep ataladı. Sharbıda, asqazannıń iyilgen jerinde qara-qızǵısh talaq, al oramasında kishkene ashıq reńdegi asqazan astı bezi ornalasqan. Onıń ót jolı on eki eli ishekke quyadı. Jińishke ishek, uzın juwan ishekke, ol óz náwbetinde tuwrı ishekke ótip, ol kloakaǵa ashıladı. Artqı ishektiń basınıń arqa tárepinen onsha úlken bolmaǵan barmaq tárizli ósimshe-rektal bezi ketedi.
Juwan ishektiń diywalı arqalı ishek quwıslıǵında bir neshe aynalıs islewshi ayrıqsha qatlam kórinip turadı. Bul spiral klapanı ishekte awqattıń háreketin páseytiwshi hám ishektiń ishki bet kólemin (sorıwshılıqtı) úlkeytiwshi bolıp esaplanadı.