Zoologiya(Omirtqali) pa'ninen Laboratoriyalıq jumıslar Jumıstı orınlawǵa kórsetpeler

Zoologiya(Omirtqali) pa'ninen


Laboratoriyalıq jumıslar


Jumıstı orınlawǵa kórsetpeler

Omırtqalılar zoologiyası boyınsha laboratoriyalıq jumıslardı tabıslı orınlawda hám ózlestiriwde, talabalardıń jumısı durıs shólkemlestiriwi hám óz ústinde islewdiń geypara usılların meńgeriwi úlken áhmiyetke iye. Usıǵan baylanıslı talabalarǵa bir qansha keńes beriwdi orınlı dep esaplaymız.

1. Úyreniwge tiyisli obekt penen jeke jumısqa kirispesten burın oqıtıwshınıń tapsırmasın hám tusindiriwin dıqqat penen tıńlaw kerek.
2. Obektti úyrene baslaǵanda, tapsırmanı okıp, obekt dúzilisin úyrenip, onnan keyin ǵana sızıwǵa kirisken maqul. Haywannıń qurılısın túsinbey turıp, hesh qashan oqıwdı baslamań.
3. Obektti arnawlı biz benen ıdısqa bekitip alǵannan keyin ǵana jumıstı baslaǵan qolaylı boladı.
4. Qurallardı paydalana otırıp eń sezgish qural qol menen isleńiz.
5. Haywandı jarıwda qaysı organ ekenin bilmegenshe, ishki organlar shıǵarıp taslanbaydı. Hámme organlardı bir tegis kórinip turǵanday etip jaylastırǵan jón.
6. As pisiriw sistemasın úyrengende isheklerdi jarıwda sharbılardı ástelik penen kesiw kerek. Onı obekt qaptalına qoyıp uzınlıǵın hám bólimlerin kóriń.
7. Úyrenetuǵın obektti soǵıw-sızıw ushın úlken mólsherdegi albomnan paydalanıń, turli reńdegi qálemlerdi qollanıń, ápiwayı qálemler hám olardıń ushın shıǵarıw quralları bolsın. Izertlew obektin sızıw zárúrli is. Haywan dúzilisin tereń tallaw biolog ushın eń baslı metodikalıq usıl. Islengen súwret, tek orınlanǵan jumıs hujjeti bolıp qalmastan keleshek pedagogikalıq iskerlikte paydalanatuǵın qolaylı kórgizbeli qural bolıp xızmet etedi.
8. Súwret úlken hám anıq bolsın. Dáslep qálem menen obekttiń konturın, onıń tiykarǵı organların, keyin basqaların islew kerek. Obekt teń mólsherde hám durıs sızılıwı ushın oǵan jaqın ólshemlerden paydalanǵan jaqsı boladı. Birinshi sızılmadan keyin onı jumsaq qálem menen júrgizip shıǵıń.
9. Súwrette baslı, obektke kóbirek tán dúzilislerine ayrıqsha mán beriw lazım.
10. Súwretti albomnıń oń bet bólimine ruchka menen jazıp koyıń.
11. Ishki organları kórinisin reńli qálemler járdeminde hár túrli haywanlardıń birdey sistemasın bir reńde bergen durıs hám ol este saqlawǵa qolaylı boladı. Ádette as pisiriw sestemasın sur, dem alıw sistemasın sıya reńde, bólip shıǵarıwdı jasıl, jınıstı sarı, nerv sisteması qońır reń menen boyaladı. Qan sistemasın sızıwda qızıl hám kok qálemler kollanıladı. Arteriya qanı kızıl, vena kók reńde kórsetiledi.
12. Xár bir súwrettiń ataması bolıwı tiyis. Mısalı: “Akulanın ishki duzilisi” “baqanıń skeleti” x.t.b.
13. Jumıs pitkennen keyin, jumıs orındı tazalap hám tártipke sal: Qollanılgan barlıq kurallar juwılıp hám súrtiliwi shárt. Jarılǵan haywannıń qaldıkları arnawlı ıdısqa salınıp, kitaplar jıynalıp, laboratoriyalıq stol súrtilip qoyıladı.