Zoologiya(Omirtqali) pa'ninen Laboratoriyalıq jumıslar Jumıstı orınlawǵa kórsetpeler

Ishki duzilisinde: Lancetniktiń total preparatında: Xorda biriktiriwshi toqıma qabıǵı, nerv tutigi, miomerler, mioseptalar, jelqom qozǵalǵısh qarmalawshıları menen, jutqınshaq saǵaq tesikleri menen, ishek, bawır ósimshesi, jınıs bezleri kórinedi.
Jutqınshaq tusındagı kese kesindi preparatında, qaplamı, miomerleri, metaplevral jıyrıǵı, xorda, nerv tútigi nevroceli menen, jutqınshaq kirip turǵan saǵaq tesikleri menen endostil, saǵaq ústi sızıǵı, celomlıq qaltası, jınıs bezleri, bawır ósimshesi, aorta túbirin kóriń.
Ishekler tusınan kese kesindi preparatınan: ishki organlardıń jaylasıwın, ótken preparat penen salıstırıń.
Qan aylanıs sistemasında: qursaq aortası, saǵaq arteriyası, arqa aorta, aldınǵı hám artqı kardinal venaları kórinedi. Preparat hám súwret boyınsha qannıń aǵıw sxemasın kóriń.
Súwretin sızıw;
1. Ishki organlardıń ulıwma jaylasıwın, 2. Jutqınshaq tusınan kese kesindisin, 3. Isheklik tusınan kese kesindisin, 4. Qan aylanıs sistemasınıń sxemasın (uyge tapsırma).
Sırtqı dúzilisi
Lancetniktiń sırtqı dúzilisin lupa járdeminde erjetken putin fiksaciyalanǵan osobta kóremiz.
Xaywannıń móldir denesi 5-8 sm uzınlıqta qaptalınan kısıńqı eki basıda súyri (3 s). Arqasın boylap deneniń artqı bóliminde lancet tárizli quyrıq qalashına ótiwshi arqa kalashı jaylasqan. Quyrıq kalashı qursaq tárepinde úlken bolmay atrial quwıslıǵı atrioporǵa diyin sozıladı. Qalashsımaǵı bólek qalash kameralarına bólinip tayanısh xızmetin atqaradı. Onıń kamera quwıslıǵı gilkildek zat penen tolǵan boladı.
Atriopordan dene qaptalı menen awız aldı tesigine deyin eki metaplerval jıyrıq qatlamı sozılıp jatadı.
Lancetnikti sırtınan qaraǵanda onıń muskul buwınları jaqsı bilinedi: Juqa terisinen miomer buwınların bólip turıwshı biriktiriwshi toqıma diywalı-miosepta anıq kórinip turadı. Miosepta hám miomerleriniń iyilgen súyiri múyeshleriniń ushı deneniń aldına qaratılǵan. Oń hám shep tárep miomerleri bir birine qarsı assimetrialıq formada ornalasqan, yaǵnıy bir qaptalınıń pútin miomerine, qarama-qarsı tárep miomeriniń eki aralıq jartısı tuwra keledi.