Zoologiya(Omirtqali) pa'ninen Laboratoriyalıq jumıslar Jumıstı orınlawǵa kórsetpeler

Sırtqı dúzilisi
Minoganıń uzın denesi shegaraları anıq emes, bas, gewde hám quyrıqqa bólingen, (8 s) jup ayaq-qolları joq. Arqa tárepinde eki kalıń terili taq qalashı jaqsı bilinip turadı. Onnan keyingisi quyrıq qalashına ótedi. Minoganıń quyrıq qalashınıń arqa hám qursaq bólekleri xordaǵa simmetriyalı jaylasqan.

8-súwret. Minoganıń sırtqı kórinisi.
1-sorıwshı awız sharsharı, 2-kózi, 3-tanaw, 4-tóbe, 5-qaptal sızıǵı, 6-sırtqı saǵaq tesikleri, 7-arqa qalashları, 8-quyrıq qalashı, 9-anal tesigi, 10-sidik-jınıs sorıǵıshı.

Bunday birinshi simmetriyalıq yamasa protocerkallıq tek minoga quyrıq qalash formasına tán. Terili taq qalashları, juqa shemirshek nurlarınıń járdeminde uslap turıladı. Quyrıq qalashınıń qursaq párikshesi kishkene anal qalashı menen tutasqan.

Minoganıń bası onsha úlken emes, awız tesigi sorıǵısh sharsharınıń túbinde ornalasqan. Qattı ashılǵan awız aldı sorıǵısh sharsharı dóngelek formaǵa iye (9 s). Onıń ishki diywalında múyizli tisler jaylasqan.

Sonday aq tiliniń ushındaǵı múyizli plastinkasında da mayda múyizli tisleri bar. Minoga balıq penen awkatlana otırıp, onıń denesine jabısıp, tisleri menen terisin tesip olardıń shiresin hám toqımaların sorıydı. Bası qaptalına simmetriyalı jaylasqan, kózleri durıs dúziliste bolıp, yarım móldir teri menen jabılǵan. Basınıń ústinde kóz aralıǵında iyis seziw organ tesigi-taq tanawı jaylasqan. Onnan keyingi ashıq noqat, eki kuyrıqshadan turatuǵın aralıq miydiń shúyeli, onıń birewi keyin epifizge, basqası jaqtı seziw xızmetin atqarıwshı tóbe organına aylanadı.

Basında, kóz aldında hám átirapında qaptal sızıǵı organınıń júdá mayda tesikleri kórinip turadı. Onday tesikler gewdesindede boladı.
Minoga basınıń qaptallarında, kóziniń artında jeti dóngelek saǵaq tesikleri ashıladı. Onıń eń keyingisi bas penen gewde aralıq shegaranı belgileydi. Tómennen, gewde menen quyrıq aralıq shegarasında anal tesigi jaylasqan. Onıń tikkeley artında sidik-jınıs sorıǵıshına sidik jınıs tesigi ashıladı.
Minoga terisi jalańash bolıp bir kletkalı bezleri epidermiste jaylasqan. Sonlıqtanda tiri minoga denesi mol, jabısqaq qalıń slekey menen jabılǵan. Ol konservilengen minoga denesinde de qatlam payda etedi. Epedermis astı terisin ashsaq onda biz juqa biriktiriwshi toqımasında hesh qanday sırtqı skelet iziniń joq ekenligin kóremiz. Gewde bulshıq etleri, buwınları, terisi arqalıda kórinip turadı.
Ishki dúzilisi
Minoga denesiniń uzınına hám kesesine kesindilerinde qursaq hám júrek dógeregi boslıǵında jatqan organlardı kórip shıǵamız.
Jarıw.
Bul operaciyanı tómendegishe orınlawdı usınamız. Minoganı vannaǵa yamasa kyuvetke tóselgen taxta ústine qursaǵın tómen qaratıp biz qazıqsha menen bekkem bekitemiz hám tegis hám teń jatqaramız.
Ótkir skalpel yamasa almas penen uzınına simmetriyalı eki jartıǵa bólemiz, tanawdan dúziw sızıq arqalı anal tesiginende arman kesemiz. Oń jartısın, sol jartısına teń bólemiz (10 s). Kesiwdiń sapası talabanıń dıqqatına hám puxtalıǵına baylanıslı.
Minoganıń dene dúzilisin tolıq úyreniw ushın qosımsha saǵaq apparatı hám gewde bólimi tusınan kese kesindiler tayarlanıladı. Bunday kesindilerdi orınlaw qıyınǵa túspeydi.