A’meliy jumis №10 Qizil o’nesh, asqazan, asqazan asti bezi ha’m bawir Sabaqtin’ maqseti

A’MELIY JUMIS № 10

Qizil o’nesh, asqazan, asqazan asti bezi ha’m bawir
Sabaqtin’ maqseti: qishloq xo'jalik haywanlarida qizilo'ngach, bir va ko'p kamerali oshqozonni tuzilishi, oshqozon tiplari va topografiyasini, turli haywanlardagi tafovutini, jigar va oshqozon osti bezining tuzilishi o'rganish.

Ko’rgizbeli materiallar: rasm, mulyajlar va ho'l preparatlar.

Qizilo'ngach - oesophagus halqumni oshqozon bilan tutashtirib turuvchi naysimon organ bo'lib, 3 qismga: bo'yin, ko'krak va qoringa bo'linadi. Uning shilliq pardasi ko'p qavatli yassi epiteliy bilan qoplangan va uzunchoq burma payda qilgan. Qizilo'ngachning boshlang'ich qismini shilliq pardasida shilliq bezlari yaxshi rivojlangan.

Qizilo'ngachning muskul pardasi ko'ndalang - targ'il muskul to'qimasidan tashkil topgan bo'lib, oxirgi uchida tashqi uzunchoq va ichki aylana muskul tutamchalari payda bo'ladi. Uning bo'yin qismi tashqi tomondan qalin biriktiruvchi to'qimadan tashkil topgan parda - adventitia bilan o'ralgan, ko'krak va qorin qismi esa seroz parda - tunica serosa bilan o'ralgan.

Qizilo'ngachning bo'yin qismi kekirdakning yuqorisida, uning tarog'idan chap tomonda joylashadi. Quyi 1/3 qismida biroz chap tomonga osiladi, so'ngra yana kekirdak tomon ko'tariladi va yana ko'krak qafasiga kiradi.

Qizilo'ngachning ko'krak qismi kekirdakning dorsal tomonida, omirtqa bilan ko'krak qafasi oralig'ida joylashadi. 10-nchi qabirg’a qarshisida u diafragma orqali qorin bo'shlig'iga kiradi.

Haywanlardagi farq qiluvchi xususiyatlari. Otda - qizilo'ngachning boshlang'ich qismi o'ng va chap havo haltasi oralig'ida joylashadi; 13 - qabirg’a to'g'risida u diafragma orqali qorin bo'shlig'iga kiradi; bezlar faqatgina boshlang'ich qismida bo'ladi; muskul pardasi kekirdak bifurkatsiyasigacha ko'ndalang - targ'il muskul to'qimasidan tuzilgan, keyin esa u silliq muskul to'qimasiga o'tadi. Cho'chqada - bo'yin qismi nisbatan kalta; bezlar faqat bo'yin qismida joylashgan. Itda - mayda uzunchoq burmali qizilo'ngach dahlizi bo'ladi; bezlar qizilo'ngachning hamma joyida tarqalgan.