Ўзбекистон республикаси соғЛИҚни сақлаш вазирлиги тиббий таълимни ривожлантириш маркази

Teri o‘smalari – Nevus (xol), terining ayrim joylarida qoramtir dog‘lar paydo bo‘lishi.
Gemangioma – qon tomirlardan iborat teridan ancha ko‘tarilib turuvchi rangli dog‘lar paydo bo‘lishi.
SKELETNING ONTOFILOGENEZI
Tirik tabiatning tarixiy taraqqiyoti umurtqali hayvonlar skelet tuzilishida yaqqol ko‘rinadi. Organizmlar qarindoshligi qancha yaqin bo‘lsa, ularning anatomik tuzilishi ko‘p jihatdan o‘xshash bo‘ladi. Masalan: odamning qo‘llari, otlarning oldingi oyoqlari, ko‘rshapalakning qanoti gomologik a’zolardir.
Bosh skeletsizlar – umurtqalilarning tirik vakilidir. Shu munosabat bilan ularni o‘rganish umurtqali hayvonlarning kelib chiqishini tushunish uchun katta ahamiyatga ega. Bosh skeletsizlar kenja tipining sodda vakili lansetnikdir. Lansetnik xordalilar tipining hamma hayvonlarga xos asosiy belgilarini o‘zida mujassam qilgan. Shu boisdan lansetnikning xordali hayvonlarning «tirik sxemasi» deb atalishi bejiz emas. Lansetnikning o‘q skeleti – xordasi butun umr bo‘yi saqlanib qoladi. Xorda zich elastik tuzilgan tog‘aydan iborat.
Umurtqalilar – xordalilar evolutsiyasining progressiv tarmog‘idir. Umurtqalilarning skeleti o‘q skelet, bosh skelet qo‘l-oyoq skeleti va ularning qismlaridan tashkil topgan. O‘q skeleti (o‘zak skeleti) embrionda dastlab xorda ko‘rinishida vujudga keladi va keyinchalik uning o‘rnini umurtqa pog‘onasi egallaydi. Bosh skelet filogenez jarayonida bir-biridan mustaqil ravishda vujudga kelgan ikki bo‘limdan iborat. Shu bo‘limlarning birinchisi bosh skelet qutisidir. U bosh miyani, ko‘ruv va hidlov a’zolarini himoya qilib turadi. Ikkinchi bo‘lim visseral bosh skletidir. U hazm nayi, nafas sistemasining oldingi qismining skeleti bo‘lib xizmat qiladi (jag‘lar, jabra ravoqlari).