Ўзбекистон республикаси соғЛИҚни сақлаш вазирлиги тиббий таълимни ривожлантириш маркази

Тез тиббий ёрдам сайёр бригадаси фаолиятини ташкил қилиш

• 
  Тез тиббий ёрдам сайёр бригадаси тез тиббий ёрдам хизматининг (подстанциянинг, бўлимнинг) таркибий— функционал бирлиги хисобланади.
  
• 
  Тез тиббий ёрдам сайёр бригадалари фельдшерлик ва врачлик бригадаларига бўлинади. Фельдшерлик бригадаси 1 та фелдшер, санитар ва хайдовчидан таркиб топган бўлиб, тез тиббий ёрдам кўрсатиш бўйича фельдшер ходимлар учун сохавий меъёрлар, қоидалар ва стандартлар билан белгиланган фаолият доирасида зарур тиббий ёрдам курсатади. Врачлик бригадаси 1 та врач, 1 та фельдшер ёки хамшира, санитар ва хайдовчидан таркиб топади ва тез тиббий ёрдам кўрсатиш бўйича врачлар-учун сохавий меъёрлар, қоидалар ва стандартлар билан белгиланган фаолият доирасида зарур тиббий ёрдам кўрсатади.
  
• 
  Сайёр бригада таркиби ва тузилмаси РШТЁИМ вилоят филиалининг директори томонидан, Тошкент шахрида—тез тиббий ёрдам хизмати бош врачи томонидан тез тиббий ёрдам хизмати бўйича директор муовинининг такдимномаси асосида тасдиқланади.
  
• 
  Бригада ўз фаолиятида мазкур низомга, соғликни сақлаш бошқармаси юқори органларининг ва станция ёки шифюхона маъмуриятининг меъёрий — услубий хужжатларига асосланади.
  
• 
  Бригада тасдиқланган график бўйича ишлайди. Чақирувлар бўлмаган пайтда бригада ходимлари подстанция ичида бўлиши шарт.
  
• 
  Бригада тасдиқланган жихозлаш табелига мос равишда таъминланиши лозим.
  

Бригаданинг асосий вазифалари ва фаолият турлари

• 
  Фукаролар соғлиғига ёки хаётига хавф туғдирувчи тўсатдан келиб чиққан касалликлар, сурункали каслликларнинг хуружи, бахтсиз ходисалар, шикастланишлар ва захарланишлар, хомиладорлик асоратлари ва туғруқ даврида ходиса содир бўлган жойида ёки шифохонага бориш вақтида катталарга ва болаларга кеча-кундуз тиббий ёрдам кўрсатиш тез тиббий ёрдам сайёр бригадаси фаолиятининг асосий мақсади хисобланади.
  
• 
  Қўйилган максадга мос равишда бригада қуйидаги вазифаларни бажаради.
  
• 
  Чақирув қабул қилингандан сўнг зудлик билан ижрога чиқиш ва мазкур маъмурий худуд учун белгиланган вақт ичида бемор турган жойга (ходиса жойига) етиб келиш.
  
• 
  Ташхис қўйиш, беморнинг ахволини яхшилаш ёки барқарорлаштиришга имкон берувчи чора-тадбирларни амалга ошириш, тиббий кўрсатмалар бўлганда уни шифохонага олиб бориш.
  
• 
  Беморни ва тегишли тиббий хужжатларни навбатчи врачга топшириш.
  
• 
  Беморларни (шикастланганларни) тоифаларга ажратишни таъминлаш, оммавий касалланишларда, захарланишларда, шикастланишларда ва бошқа фавқулодда ходисаларда тиббий ёрдам кўрсатишнинг оптимал кетма-кетлигини белгилаш.
  
• 
  Ўрнатилган тартибда зарур санитария-гигиена ва эпидемияга қарши тадбирларни таъминлаш ва ўтказиш.
  
• 
  Бригада қаерда ва қандай шароитда бўлишидан қатъий назар мурдага дуч келган вақтда бу хақда мазкур худуддаги ИИБ ходимларига хабар бериши шарт, шунингдек «Чақирув картасида» га барча зарур маълумотларни ёзиб қўйиши лозим. Мурдани ходиса содир бўлган жойдан қўзғатиш мумкин эмас. Ўлим санитар автомобили салонида содир бўлган холларда бригада ходимлари бу хақда катта врачга хабар бериши ва мурдани судга оид экспертиза хизмати мурдахонасига олиб бориш учун прокуратура рухсатномасини олиши шарт.