Ўзбекистон Республикаси Соғлиқни сақлаш вазирининг

3.7.5. Тўлиқ дренажсиз ТОНЛТ (totally tubeless) 
Кўрсатмалар: 

мураккаб бўлмаган буйрак тошлари;
 

функцияси сақланган буйрак паренхимаси;
 

сийдик йўли инфекциясининг йўқлиги ёки тасдиқланган ва назорат қилинадиган 
сийдик йўли инфекцияси;
 

жарроҳлик (ТОНЛТ) тугагандан кейин оч ранг, тиниқ ювиш суюқлигининг 
барқарор чиқиши кузатилган беморлар;
 

---

43 
Муҳим қарши кўрсатмаларга қуйидагилар киради: 

сийдик йўлларининг назоратсиз инфекцияси; 

тери орқали операция усулида коррекция қилиш мумкин бўлмаган, обструкцияни 
келтириб чиқарувчи буйрак аномалиялари.
 
Тўлиқ дренажсиз ТОНЛТни (totally tubeless) бажариш техникаси. 
Тошларни 
тўлиқ олиб ташлангандан сўнг диурезни стимуляция қилиш учун томир ичига 10-20 мг 
фуросемид юборилади. Кейин буйрак бўшлиғига нефроскоп тубуси орқали хавфсизликни 
таъминловчи ўтказгич киритилади ва нефроскоп тубуси олиб ташланади. Шундан сўнг, 
паранефрал тўқималарга суюқлик оқишини назорат қилиш учун сийдик найи катетери 
орқали контрастли модда ретроград тарзда киритилади. Бунда, агар контраст 
паранефрийга тушмаса, лекин хавфсизликни таъминловчи ўтказгич атрофидан ташқарига 
чиқса, стерил суюқлик идишидан иборат сийдик найчаси катетерига ювиш тизими 
уланади, у жом ичидаги босимнинг кўпайишини олдини олиш учун буйрак сатҳидан 40 см 
дан ошмайдиган баландликда ўрнатилади. 2-3 дақиқа ичида ювувчи суюқликнинг қон 
билан бўялиш интенсивлиги кузаталади. Ўтказгич атрофидан тиниқ, оч рангли ювиш 
суюқлигининг стабил чиқишида кузатилганда оқма каналидан ўтказгич олиб ташланади. 
Кейин сийдик найи катетеридан чиқаётган сийдикнинг табиати 5-10 дақиқа давомида 
кузатилади. Тиниқ, оч рангли сийдик чиқиши кузатилганда катетер олиб ташланади. 
Шундан сўнг қовуқни кузатиб бориш учун Foley катетери қовуққа киритилади. Foley 
катетери жарроҳликдан 1 кун ўтгач олиб ташланади.