Ўзбекистон Республикаси Соғлиқни сақлаш вазирининг

Кўп киришли ТОНЛТнинг игнали усулини бажариш техникаси.
Агар буйрак 
бўшлиғидан нефроскоп тубусини олиб ташламасдан бажарилган операцион канал орқали 
тошларни бутунлай олиб ташлашнинг иложи бўлмаса, уч поғонали “Chiba” игналари 20 ва 
18 G ёрдамида етиб бўлмайдиган тошлар жойлашган жойда пункция бажарилади. 
Алоҳида косачаларда жойлашган тошлар ёки дезинтеграциялаш давомида етиб 
бўлмайдиган косачаларга кўчган майдаланган жом тошининг парчалари уч поғонали игна 
орқали киритилган суюқлик ёки ҳаво оқими ёрдамида нефроскоп тубуси жойлаштирилган 
косача бўшлиғига ўтказилади. Силжиган тошлар ёки уларнинг парчалари нефроскоп 
тубуси орқали бутунлигича эндоскопик қисқичлар ёрдамида олиб ташланади, шундан 
сўнг уч поғонали игна чиқариб олинади. Худди шундай тарзда тошларни бир нечта 
косачалардан бутунлай олиб ташлаш учун 2 ёки ундан ортиқ бундай манипуляциялар 
бажарилиши мумкин.
 
3.7.4. Дренажсиз ТОНЛТ (tubeless) 
Кўрсатмалар
: 

мураккаб бўлмаган буйрак ва сийдик найлари тошлари; 

функцияси сақланган буйрак паренхимаси; 

жарроҳлик (ТОНЛТ) тугагандан кейин оч ранг ювиш суюқликнинг стабил чиқиши 
кузатилган беморлар; 

интраоперацион асоратларнинг ва юқори сийдик йўлларининг органик 
обструкцияси йўқлиги, буйракни тошлардан тўлиқ бўшатиш. 
Муҳим қарши кўрсатмаларга
қуйидагилар киради: 

сийдик йўлларининг назоратсиз инфекцияси;
 

тери орқали операция усулида коррекция қилиш мумкин бўлмаган, обструкцияни 
келтириб чиқарувчи буйрак аномалиялари.
 
Дренажсиз ТОНЛТни (tubeless) бажариш техникаси.
Тош буйракдан 
чиқарилгандан сўнг буйракка нефроскоп тубуси орқали эгилувчан ўтказгич киритилади ва 
буйракдан нефроскоп тубуси олинади. Сийдик найи катетери орқали ювиш тизими 
уланади, шунингдек диурез диуретик препаратни томир ичига юбориш орқали 
стимуляция қилинади. Оқма канали орқали, ўтказгич атрофидан рангсиз ювиш 
суюқлигининг стабил чиқишида ўтказгич олиб ташланади. Сийдик найи катетери орқали 
чиққан сийдикнинг табиати кузатилади. Рангсиз, тиниқ сийдик ажралиб чиқишида, 
буйракни табиий сийдик йўли орқали дренажлаш учун катетер 24 соат қолдирилади. 
Ишчи канал жойлашган жойдаги терига асептик боғлам қўйилади. Қовуқни дренажлаш ва 
сийдик найи катетерини фиксациялаш учун қовуққа Foley катетери ўрнатилади. 
Жарроҳликдан бир кун ўтгач, Foley катетери ва сийдик найи катетери олиб ташланади.