Ўзбекистон Республикаси Соғлиқни сақлаш вазирининг

 
3.7.6. Симультан ипсилатерал ТОНЛТ 
Кўрсатмалар
: 

буйрак ва сийдик найининг қўшма тошлари; 

функцияси сақланган буйрак паренхимаси; 

сийдик йўли инфекциясининг йўқлиги ёки тасдиқланган ва назорат қилинадиган 
сийдик йўли инфекцияси. 
Муҳим қарши кўрсатмаларга қуйидагилар киради: 

узоқ вақт давомида сақланиб келаётган сийдик найининг катта ўлчамли тошлари. 
Симультан ипсилатерал ТОНЛТни бажариш техникаси.
Буйраклар ва сийдик 
найи қўшма тошлари бўлган беморларни даволашда симультан ипсилатерал ТОНЛТни 
бажаришда сийдик найида тошнинг жойлашган жойига қараб аралашув шартлари турлича 
бўлиши мумкин. 
Сийдик найидаги тош сийдик найининг пастки учдан бир қисмида жойлашганда 
УРС ва контакт литотрипсия бажарилади ёки у бутунлигича эндоскопик қисқич ёки 
Дормиа саватчаси ёрдамида олиб ташланади. Сийдик найи катетери ўрнатилади, сўнгра 
буйрак тошларини буйракка тери орқали киришни амалга ошириш билан олиб ташлаш 
учун бемор қоринга ётқизилади. 
Сийдик найидаги тош сийдик найининг ўрта ёки юқори учдан бир қисмида 
жойлашганда у рентгенотелескопия назорати остида жом томонга сийдик найи катетери 
билан итариб буйракка ўтказилади. Сийдик найи катетери сийдик найи ичида
қолдирилади. Тошнинг буйрак томонга силжитиши уретерореноскоп ёрдамида визуал 
назорат остида амалга оширилиши мумкин, бу ҳолда тош силжитилгандан кейин сийдик 
найи катетеризация қилинади. Шундан кейин буйрак тошларини буйракка тери орқали 
киришни амалга ошириш билан олиб ташлаш учун бемор қоринга ётқизилади. 

---

44 
Сийдик найидаги тош жом-сийдик найи сегментига яқин жойлашган ва уни 
буйракка силжитишнинг иложи бўлмаган ҳолларда, сийдик найи катетери тош ёнига олиб 
келиб, у ерда қолдирилади. Шундан кейин буйрак тошларини буйракка тери отқали 
киришни амалга ошириш билан ва сийдик найидаги тошни антеград тарзда олиб ташлаш 
учун бемор қоринга ётқизилади. Сийдик найидаги тош сийдик найининг ўрта ёки юқори 
учдан бир қисмида жойлашган ҳолларда ва уни буйракка силжитиш мумкин бўлмаган 
ҳолларда УРС бажарилади. Уретерореноскоп тош ёнига олиб келинади, тош лазер ёки 
пневматик литотриптор ёрдамида парчаланади, тош парчалари буйракка ўтказилади ва 
ўтказгич бўйлаб сийдик найи катетери ўрнатилади. Шундан кейин буйрак тошларини 
буйракка тери орқали киришни амалга ошириш билан олиб ташлаш учун бемор қоринга 
ётқизилади. 
Сийдик найидаги тош жом-сийдик найи сегментига яқин, сийдик найининг 
проксимал бўлимида жойлашган ва уни буйракка силжитишнинг иложи бўлмаган 
ҳолларда у антеград тарзда буйрак тошлари билан бирга олиб ташланади.