Ўзбекистон Республикаси Соғлиқни сақлаш вазирининг

 
3.10. 
Буйрак тошларини специфик даволаш 
Обструкцияни келтириб чиқармайдиган, катта бўлмаган ва симптомларсиз 
тошларнинг табиий кечиши ва ривожланиш хавфи ноаниқ бўлиб қолмоқда. Ҳозирда 
кузатув давомийлиги, даври ва даволаниш тури бўйича консенсусга эришилмаган. 
Мавжуд вариантлар орасида кузатув, хемолиз ва тошни фаол равишда йўқ қилиш 
усуллари мавжуд. 
3.10.1. Консерватив даволаш (кузатув) 
Буйракларида тош мавжуд бўлган, айниқса косачаларда жойлашган, беморларда 
кузатувни амалга ошириш касалликнинг табиий кечишига боғлиқ. Тақдим этилган 
тавсиялар ишончли далилий асосга эга эмас. Проспектив тадқиқотда симптомларсиз 
пастки косачадаги <10 ммли тошларни йиллик кузатувини амалга оширишни қўллаб-
қувватлаш учун далиллар келтирилади. Тошнинг катталишиши аниқланганда, 
текширувлар оралиғини камайтириш керак. Ўлчами > 5 мм бўлган тошнинг катталашиши 
қайд этилганда фаол даволаш тавсия этилади [125]. 
3.10.2. Буйрак тошларини фармакологик даволаш 
Медикаментоз эритиш фақат сийдик кислотали тошлар учун самарали, аммо 
даволаш турини аниқлаш учун тошнинг таркиби тўғрисида маълумот талаб қилинади. 

---

52 
3.10.3. Буйрак тошларини фаол равишда олиб ташлаш учун кўрсатмалар 
[126]
 

тошнинг катталишиши; 

тош ҳосил бўлиши хавфи юқори бўлган беморларда тошлар; 

тошлар сабабли юзага келган обструкция; 

инфекция; 

симптоматик тошлар (оғриқ, гематурия); 

ўлчами > 15 мм бўлган тошлар; 

ўлчами < 15 мм бўлган тошлар, агар кузатув афзал тактика бўлмаса; 

беморнинг танлови; 

ёндош касалликлар; 

ижтимоий ҳолат (касби ёки саёҳат); 

даволаш усули сифатида танлов. 
Клиник юзага чиқиши хавфи ёки даволанишга эҳтиёж йилига тахминан 10-25% ни 
ташкил этади, бу умумий беш йиллик эҳтимолликнинг 48,5% га тўғри келади [126-128]. 
2 йилдан ортиқ вақт давомида кузатув ўтказилган проспектив рандомизацияланган 
тадқиқотда тошни тўлиқ йўқотилиши частотаси ўлчами < 15 мм бўлган симптомларсиз 
тошлар учун ДТЛ ва кузатув ўртасида симптомлар, қўшимча даволанишга эҳтиёж, ҳаёт 
сифати, буйрак функцияси ва касалхонага ётқизиш кўрсаткичлари бўйича фарқ бўлмаган. 
Гарчи баъзи муаллифлар буйрак санчиғи, гематурия, инфекция ва тошнинг ўсиши 
профилактикаси учун бундай тошларни профилактик даволашни тавсия қилсалар ҳам, 
адабиётларда бир-бирига зид маълумотлар мавжуд [128-130]. ДЛТдан кейин деярли 5 
йиллик кузатув даврида ўтказилган иккита тадқиқот шуни кўрсатдики, катта бўлмаган 
резидуал парчалари бўлган 25% гача беморлар даволаниши керак [68, 131]. Косача 
тошларини даволаш зарурияти масаласи очиқ бўлиб қолаётган бўлсада, даволаш учун 
кўрсатмалар тошнинг ўсиши, обструкция, инфекциянинг қўшилиши ва ўткир ва/ёки 
сурункали оғриқ ҳисобланади.