Ўзбекистон республикаси олий ва ўрта махсус таълим вазирлиги самарқанд давлат чет тиллар институти роман-герман филологияси факультети

Иккинчи боб. Испан ва ўзбек тилларида типологик
род категорияси
2.1. Типологик род категорияси тўғрисида
умумий тушунча

Типологик род категорияси биологик реал род (жинс) ва грамматик формал категориялардан иборат.

Типологик роднинг жинс категоряси билан боғлиқ томони шундаки, у одамлар, ҳайвонот ва парандаларнинг жинсини англатади. Предметларнинг ноиларини билдирган сўзлар эркаклик ва хотинлик жинсини турли усуллар воситасида ифодалайди.
Грамматик формал род категорияси сўзларнинг формал белгиларига қараб учта родга бўлинади: мужской род, женский род, средний род. реал род билан формал род ўртасидаги алоқа қуйидагичадир: а) реал род ва грамматик формал родлар мос келади. Масалан: Отец – (м.р.) – мать (ж.р.); б) реал род ва грамматик формал родлар мос келмайди. Масалан: қадимги инглиз тилида wilаёл средний родга тааллуқли эди.
Грамматик родда сўзлар маълум морфологик белгиларга кўра муайян родларга бўлинади. Грамматикадаги род логик реал родни акс эттирмаслиги, яъни биологик жинсни кўрсатмаслиги мумкин. Грамматикада ҳамма отлар жонли ва жонсиз, киши ва бошқа предметларни англатишига қараб, бирор грамматик формал родга мансуб бўлиши керак. Масалан: рус тилида: день, дом, музей сўзлари мужской родга тегишли бўлсада, реал род билан ҳеч қандай алоқаси йўқ. Шунингдек, страна, газета, жизнь, рожь сўзлари ҳам женский родга кирсада, типологик жинсга алоқадор эмас; дело, море, имя, пастбище сўзларининг ҳам средний родга киритилиши уларнинг жинс билан алоқаси йўқлигидан далолат беради.Аммо киши номлари, айрим ҳайвонларни ифодаловчи отлар ҳамма тилларда ҳам кўпроқ биологик жинс билан боғлиқ бўлади.
Род категориясининг морфологик маркери махсус суффикслар бўлиб, улардан ташқари артикль, кўрсатиш олмошлари ва бошқ синтактик маркерлар ҳам бу категориянинг морфологик кўрсаткичлари сифатида хизмат қилади.
Кишилик олмошларидаги грамматик род тилдаги род категориясининг биринчи белгиси ҳисобланади.
Формал роднинг яхши тараққий этганлиги ҳам унинг бошқа сўз туркумлари формаларида ҳам ифодаланиши билан белгиланади. Масалан, род категоряси ривожланган тилларда мужской, женский, средний роднинг маълум белгилари сифат, сон ва феълга қўшилади.
Типологик нуқтаи назардан системасида артикль бор тилларнинг кўпларида грамматик род учрайди, яъни грамматик формал род системасида артикл йўқ тилларга нисбатан артикль бор тилларда кўпроқ хосдир. Грамматик род яхши ривожланганлигига қарамай, роддаги фарқ бирлик формаларда яққол кўринади. Кўпликда бу фарқ сезилмайди. Масалан, рус тилида:Он читал / она читала = они читали
Испан тилида ҳинд-европа тиллари оиласига мансуб бўлганлиги учун илгари унда учта грамматик род бор эди. Аммо ҳозирги испан тилида барча сўз туркумларидаги грамматик род қисқариб, фақат оотлар, кишилик олмошларининг маълум родга мансублиги сақланиб қолган.
Маълумки, испан тилидаги ўзлик ва эгалик олмошлари кишилик олмошлари билан боғлиқ. Чунончи, ўзлик ва эгалик олмошлари кишилик олмошларининг турли келишик формаларидан пайдо бўлган. Шу сабабдан, ўзлик олмошлари эгалик олмошлари родни кўрсатади.